ઉલ્લંઘન / Instagram પછી YouTubeની મોટી કાર્યવાહી, Pornhub ચેનલને હટાવી, જાણો કારણ

• YouTube એ પ્લેટફોર્મ પરથી પોર્નહબની ચેનલને ટર્મિનેટ કરી દીધી
• કંપનીએ અનેક આરોપો લગાવ્યા
• યુટ્યુબે કહ્યું કે તેણે અનેક દિશાનિર્દેશોનું ઉલ્લંઘન કર્યું

 યુટ્યુબે પોર્નહબને તેના પ્લેટફોર્મ પરથી હટાવી દીધું છે. પોર્નહબ પર અનેક દિશાનિર્દેશોનું ઉલ્લંઘન કરવાનો આરોપ છે. એક રિપોર્ટ અનુસાર પોર્નહબે યુટ્યુબની એક્સટર્નલ પોલિસી લિંકનું ઉલ્લંઘન કર્યું છે. આમાં નગ્રતા અને પોર્નોગ્રાફીનો સમાવેશ થાય છે. જેને યુટ્યુબ પર પોસ્ટ કરવાની મંજૂરી નથી.

એક અહેવાલમાં જણાવવામાં આવ્યું છે કે યુટ્યુબના પ્રવક્તાએ જણાવ્યું કે પોર્નહબની અધિકૃત ચેનલની સમીક્ષા કર્યા બાદ પ્લેટફોર્મ પરથી તેને બંધ કરી દેવામાં આવી હતી. તેમણે વધુમાં કહ્યું કે તેમની નીતિ બધા માટે સમાન છે. જે ચેનલો સતત માર્ગદર્શિકાનું ઉલ્લંઘન કરે છે તેને સમાપ્ત કરવામાં આવે છે. 

યુટ્યુબમાંથી હટી ગયા બાદ કંપનીએ જણાવ્યું કે લગભગ 9,00,000 લોકોને પોર્નહબ ચેનલને સબસ્ક્રાઈબ કરી છે. ચેનલ પરથી માત્ર ઉપયોગી સામગ્રી જ પોસ્ટ કરવામાં આવી રહી હતી. કંપનીએ વધુમાં કહ્યું કે પોર્નહબ યુટ્યુબ પરથી પોસ્ટ કરવામાં આવતા વીડિયો પર પ્રતિબંદ લાદતું હતું.

તેનાં પોસ્ટ કરેલ વિડિયો જોવા માટે, વ્યક્તિની ઉંમર 18 વર્ષથી વધુ હોવી જોઈએ. પોર્નગ્રાફી સાઈટે કોઈપણ પુખ્ત સામગ્રી પોસ્ટ કરી હોવાના દાવાને કંપનીએ નકારી કાઢ્યો હતો. પોર્નહબના પ્રવક્તાએ વધુમાં કહ્યું કે તે ઈન્ટરનેટ પર શ્રેષ્ઠ વિશ્વાસ અને સલામતી જાળવી રાખે છે. કંપનીના નિવેદનમાં વધુમાં જણાવવામાં આવ્યું હતું કે તેણે યુટ્યુબના કોઈ પણ કોમ્યુનિટી ગાઈડલાઈન્સનું ઉલ્લંઘન કર્યું નથી.

ઇન્સ્ટાગ્રામે પણ એકાઉન્ટ બંધ કરી દીધું છે
તમને જણાવી દઈએ કે યુટ્યુબ એકમાત્ર એવું પ્લેટફોર્મ નથી જ્યાંથી પોર્નહબને હટાવી દેવામાં આવ્યું છે. આ પહેલા ઈન્સ્ટાગ્રામે પોર્નહબ એકાઉન્ટને પણ કાયમ માટે પ્રતિબંધિત કરી દીધું છે. મેટાની ફોટો અને રીલ્સ શેરિંગ એપ પર આરોપ હતો કે તે ઇન્સ્ટા એકાઉન્ટમાંથી  વાંધાજનક પોસ્ટ્સ પોસ્ટ કરતી હતી. 

ઇન્સ્ટાગ્રામે દાવો કર્યો હતો કે તે વપરાશકર્તાઓને સાઇટ છોડવા અને પુખ્ત સામગ્રી જોવા માટે પ્રોત્સાહિત કરે છે. જેના કારણે તેના એકાઉન્ટને હંમેશ માટે પ્રતિબંધિત કરી દેવામાં આવ્યું હતું.