રાજકોટમાં કુવાડવા રોડ પર આવેલ ઈન્ડસ્ટ્રીયલ વિસ્તારમાં એક હત્યાનો બનાવ સામે આવ્યો છે. જેમા નાનાભાઈએ જ તેના મોટા ભાઈને મોતને ઘાટ ઉતારી દીધો હોવાનું સામે આવ્યું છે.
રાજકોટમાં વધુ એક હત્યાનો બનાવ
નાનાભાઈએ આપ્યો મોટાભાઈની હત્યાને અંજામ
નજીવી બાબતે સગા ભાઈની કરી હત્યા
રાજકોટમાં દિવસને દિવસે ગુનાખોરી વધી રહી છે. જેના કારણે હવે અહીયા કાયદો વ્યવસ્થાની સ્થિતી કતળી હોય તેવું લાગી રહ્યું છે. ત્યારે વધુમાં ફરી એક હત્યાનો બનાવ શેહરના કુવાડવા રોડ પર સામે આવ્યો છે. જેમા સાંભળીને આપને નવાઈ લાગશે કે નાનાભાઈએજ તેમા મોટા ભાઈની હત્યાને અંજામ આપ્યો છે.
ઝઘડો ઉગ્ર બનતા આપ્યો હત્યાને અંજામ
કુવાડવા રોડ પર આવેલ ઈન્ડસ્ટ્રીયલ વિસ્તારમાં આ બનાવ બન્યો છે. જ્યા બે ભાઈ વચ્ચે ઝઘડો થયો હતો અને આ ઝઘડાએ ઉગ્ર સ્વરૂપ ધારણ કરી લીધું અને બંને ભાઈઓ વચ્ચે ઝપાઝપી થઈ હતી તેજ સમયે નાના ભાઈએ ઉશ્કેરાઈને તેના મોટાભાઈની હત્યા કરી નાખી.
લગ્નની વાતચીતને લઈને બંને ભાઈ વચ્ચે થયો હતો ઝઘડો
સમગ્ર મામલે ઘટનાની ગંભીરતાને ધ્યાનમાં રાકીને પોલીસે હત્યારા ભાઈની ધરપકડ કરી લીધી છે. પોલીસે હત્યારા ભાઈની ધરપકડ બાદ તેની પુછપરછ આરંભી હતી. જેમા ચોંકાવનારા ખુલાસાઓ સામે આવ્યા છે. હત્યારા ભાઈની પૂછપરછમાં સામે આવ્યું કે બંને ભાઈઓ વચ્ચે લગ્નની વાતચીતને લઈને ઝઘડો થયો હતો. જે ઝઘડો ઉગ્ર બની જતા આવેશમાં આવી નાના ભાઈએ તેના મોટા ભાઈની હત્યા કરી નાખી છે.
હત્યારો ભાઈ પોલીસના સકંજામાં
ઉલ્લેખનીય છે કે પોલીસે હાલ આરોપીને દબોચી લીધો છે સાથેજ પોલીસ તેની પૂછપરછ પણ કરી રહી છે. જોકે રાજકોટમાં વધતી જતી ગુનાખોરી હવે એક ચિંતાનો પ્રશ્ન બન્યો છે. સાથેજ વધતી ગુનાખોરીને કારણે અહીયા હવે કાયદો વ્યવસ્થાની સ્થિતી સામે પણ સવાલો ઉઠી રહ્યા છે.