સેક્સુઅલ હેરેસમેન્ટથી તંગ આવેલી ચેન્નઈની એક સગીર છોકરીની સુસાઈડ નોટ બહાર આવ્યાં બાદ લોકો ખૂબ ઈમોશનલ થવા લાગ્યાં છે.
તમિલનાડુની ચેન્નઈની ઘટના
વારંવારની છેડતીથી કંટાળેલી સગીરાએ આપઘાત કર્યો
સુસાઈડ નોટમાં લખ્યું છોકરીઓ માટે માતાની કૂખ અને કબર જ સલામત સ્થળ
સગીરીના સુસાઈટ નોટ વાંચીને લોકો થયા ઈમોશનલ
કહેવાતા સભ્ય સમાજમાં દીકરીઓ ક્યાં સુધી સહન કરતી રહેશે? આ સવાલ દરેકે ગંભીરતાથી વિચારવો જોઈએ. લોકોની વિકૃત કામવાસનાનો ભોગ કૂમળી વયની દીકરીઓ બની રહી છે આ વાતે આપણે ડૂબી મરવું જોઈએ. ફરી વાર આવી જ એક વિકૃત કામવાસનાનો ભોગ બનેલી દીકરીએ જીવવા કરતા મોતને વ્હાલું કર્યું પરંતુ જતા જતા તેણે તે સુસાઈટ નોટ છોડી છે તે આપણને ગંભીરતાથી વિચારતા કરી મૂકી તેવી છે.
વારંવારની છેડતીથી તંગ આવીને પીડિતાએ કર્યો હતો આપઘાત
ચેન્નઈમાં ધોરણ 11માં અભ્યાસ કરતી સગીરાએ વારંવારની સેક્સુઅલ હેરેસમેન્ટથી તંગ આવીને આપઘાત કરી લીધો હતો. પીડિતાએ એક સુસાઈટ નોટ પણ છોડી હતી જે વાયરલ થઈ હતી અને તેમાં લખેલી વાતો વાંચીને લોકો રડી પડ્યાં હતા. પોલીસે જણાવ્યું હતું કે ચેન્નઈની બહાર રહેતા દંપતિની 11 ધોરણમાં અભ્યાસ કરતી 16 વર્ષીય પુત્રીએ વારંવારની જાતિય છેડતીની તંગ આવીને આપઘાત કરી લીધો હતો. પીડિતાની લાશ છત પર લટકતી મળી આવી હતી. પોલીસને તપાસમાં સગીરાના રૂમમાંથી કથિત રીતે એક સુસાઈડ નોટ મળી આવી છે. સુસાઈડ નોટમાં લખ્યું છે, ' છોકરીઓ માટે ફક્ત માતાની કૂખ અને કબર સલામત છે.' ધોરણ 11માં અભ્યાસ કરતી આ યુવતીનો પત્ર વાયરલ થયો છે.
સુસાઈટ નોટની શરૂઆત 'સ્ટોપ સેક્સ્યુઅલ હેરેસમેન્ટ' શબ્દોથી થાય છે
સુસાઈટ નોટની શરૂઆત 'સ્ટોપ સેક્સ્યુઅલ હેરેસમેન્ટ' શબ્દોથી થાય છે. સગીરાએ પત્રમાં લખ્યું છે કે હવે વધુ સહન કરી શકું તેવી સ્થિતિમાં નથી. એટલી પીડા થઈ રહી છે કે ન પૂછો વાત. પીડિતાએ લખ્યું કે સપનાઓ આવતા હતા અને આને કારણે નિરાંતે ઊંઘી પણ શકતી નહોતી.
છોકરીઓ માટે માતાની કૂખ અને કબર જ સલામત
પીડિતાએ સુસાઈડ નોટમાં લખ્યું કે દરેક માતાપિતાએ તેમના પુત્રોને છોકરીઓનું સન્માન કરવાનું શીખવવું જોઈએ. સંબંધીઓ અથવા શિક્ષકો પર વિશ્વાસ ન કરો. છોકરીઓ માટે માતાની કૂખ અને કબર જ સલામત છે. નોટમાં એમ પણ કહેવામાં આવ્યું છે કે શાળા હવે છોકરીઓ માટે સલામત નથી.જ્યારે યુવતીના માતાપિતાએ યુવતીને છત પર લટકતી મળી ત્યારે તેઓ ગાંડા જેવા થઈ ગયા હતા અને તરત જ પોલીસને જાણ કરી હતી. પોલીસે તરત જ ત્યાં પહોંચીને યુવતીના રૂમની તલાશી લીધી હતી, જે દરમિયાન સ્યુસાઇડ નોટ પોલીસના હાથમાં આવી હતી. પોલીસે યુવતીના મિત્રોની પૂછપરછ કરી હતી, જે દરમિયાન જાણવા મળ્યું હતું કે યુવતીએ તાજેતરના સમયમાં પોતાની જાતને મિત્રોથી અલગ પાડી દીધી હતી.