Monday, August 26, 2019
સબસ્ક્રાઈબ કરો VTVGujarati ન્યુઝ Whatsapp

સુવિધા / BHIM એપની મદદથી ઇન્ટરનેટ વગર કરી શકાશે રૂપિયા ટ્રાન્સફર, પેમેન્ટ કરો શેડ્યૂઅલ

BHIM એપની મદદથી ઇન્ટરનેટ વગર કરી શકાશે રૂપિયા ટ્રાન્સફર, પેમેન્ટ કરો શેડ્યૂઅલ

BHIM એપમાં એક નવુ ફિચર જોડવામાં આવ્યુ છે, આ નવા ફિચરની મદદથી હવે કોઇ પણ રેગ્યુલર પેમેન્ટને શિડ્યૂઅલ કરી શકાશે. એવામાં  એક વખત પેમેન્ટ શિડ્યૂલ કરવા પર નિધાર્રિત સમય પર આપમેળે ચૂકવણી થઇ જશે. આ સિવાય એપમાં એક નવું ફિચર જોડવામાં આવ્યુ છે જેમાં તમે ઇન્ટરનેટ વગર પણ ફંડ ટ્રાન્સફર કરી શકો છો.

શું થશે ફાયદો:

NPCIએ BHIM એપના લેટેસ્ટ વર્ઝનમાં વનટાઇમ મેન્ડેટ ફિચર જોડ્યુ છે. આ નવા ફિચરની મદદથી યૂઝર્સ તેમના પેમેન્ટ્સ પછી કોઇ પણ ડેટ પર શેડ્યૂલ કરી શકે છે.

- માની લો કે તમે 5 તારીખને કોઇ રકમ જમા કરો છો તો તમે એપની મદદથી શેડ્યૂઅલ કરી શકશો, આવી રીતે દર મહિને 5 તારીખના તમારા રૂપિયા ટ્રાન્સફર થઇ જશે. તમને જણાવી દઇએ કે, તમારા શિડ્યૂઅલ કરેલા પૈસા રહેશે તો તમારા એકાઉન્ટમાં પણ પેમેન્ટ થતા સુધી બ્લોક રહેશે. 


ઇન્ટરનેટ વગર કરી શકાશે ટ્રાન્સફર:

નેશનલ પેમેન્ટ કોર્પોરેશન ઑફ ઇન્ડિયા (NPCI) દ્વારા સંચાલિત BHIM Appમાં તાજેતરમાં જ એક નવુ ફિચર જોડવામાં આવ્યુ છે જેના અનુસાર તમે આ એપની મદદથી તમે એવા વિસ્તારમાં છો કે જ્યાં ઇન્ટરનેટ નથી તેમ છતાં તમે રૂપિયા ટ્રાન્સફર કરી શકો છો, આ માટે તમારે USSD આધારિત મોબાઇલ બેંકિંગનો ઉપયોગ કરવાનો રહેશે.

આ રીતે કરી શકાશે ઇન્ટરનેટ વગર રૂપિયા ટ્રાન્સફર:

- તમારા સ્માર્ટફોનમાં પણ BHIM એપ ડાઉનલોડ કરવાની રહેશે અને સાથે જ એપમાં જોઇ લો કે USSD પ્લેટફોર્મને અપડેટ કરવામાં આવ્યુ છે કે નહી.

- આ પછી BHIM એપ પર રજિસ્ટ્રેશનની પ્રક્રિયા પૂરી કરવાની રહેશે. બેંક ટ્રાન્સફરમાં સિમ કાર્ડ અને સ્માર્ટફોનને જોડ્યા પછી તમે BHIM એપની મદદથી ફંડ ટ્રાન્સફર કરી શકો છો.

- તમને BHIM એપમાં 2 વિકલ્પ મળશે. જો તમે જ્યાં છો ત્યા ઇન્ટરનેટની સુવિધા છે તો તમે UPIની મદદથી રૂપિયા મોકલી શકો છો, જો ત્યાં ઇન્ટરનેટ નથી તો USSD પર આધારિત બેંકિંગના ઑપ્શનને પસંદ કરી શકો છો.

- ઇન્ટરનેટ વગર રૂપિયા મોકલવા માટે *99# ડાયલ કરો. આ પછી તમે ફોન પર વેલકમનો મેસેજ આવશે અને જેમાં તમામ જાણકારીઓ પૂછવામાં આવશે. આ જાણકારીઓમાં તમારી બેંકનું નામ વગેરે હશે.

- આ સાથે જ તમને Request money, Send money, My profile, Check balance, Pending requests, Transactions અને UPI PIN  જેવા વિકલ્પ પૂછવામાં આવશે. 

- આ પ્રક્રિયા કર્યા પછી Send money નો વિકલ્પ પસંદ કરવાનો રહેશે. જે પછી પેમેન્ટ એડ્રેસ, મોબાઇલ નંબર, સેવ્ડ બેનિફિશિયરી, IFSC કોડ અને એકાઉન્ટ નંબર એડ કરવાનો રહેશે, જે પછી રૂપિયા ટ્રાન્સફર થશે. 

જોવા જેવું વધુ જુઓ

બ્રેકિંગ ન્યૂઝ