મંગળ ગ્રહ પર જવાની ઇચ્છા રાખનારા લોકો માટે એક ખુશખભરી છે. એક હોલિડે વેબસાઇટ ટ્રિપ એન્ડ વાઇઝરે ધરતી પર જ કૃત્રિમ ગ્રહ તૈયાર કરી લેવામાં આવેલ છે. જે બિલકુલ મંગળ ગ્રહ જેવો જ દેખાય છે. આ ગ્રહ આર્ટિફિશિયલ પ્લેનેટ ઉત્તરી સ્પેનની ગુફાઓમાં બનાવવામાં આવેલ છે. કંપનીએ લોકોને અહીં ત્રણ દિવસ અને રાત્રી વિતાવવા માટેની ઓફર કરી છે. જેનું ભાડું 4.80 લાખ રૂપિયા સુધી નક્કી કરવામાં આવ્યું છે.
મળશે મંગળ ગ્રહ જેવો અનુભવ
આ કૃત્રિમ મંગળ ગ્રહ ધરતીથી 196 ફુટની ઉંચાઇ પર સ્થિત છે અને 1.4 કિ.મી લાંબી ગુફા છે. એવો દાવો કરવામાં આવ્યો છે કે ગુફામાં બિલકુલ મંગળ ગ્રહ જેવો જ નજારો જોવાં મળશે. મળતી જાણકારી અનુસાર આ જગ્યાનો પ્રથમ ટ્રાયલ થઇ ચૂકેલ છે અને અહીં પહોંચીને દુનિયા અને લોકોથી આપ ખૂબ દૂર થઇ જશો. આને હવે પ્રવાસીઓ માટે ખોલી દેવામાં આવેલ છે.
પ્રશિક્ષણ છે ખૂબ જરૂરી
જો કે અહીં રહેવા માટે પ્રવાસીઓને 30 દિવસનાં પ્રોગ્રામનો ભાગીદાર બનવાનું રહેશે. તેઓએ ત્રણ સપ્તાહનું ઓનલાઇન પ્રશિક્ષણ લેવાનું રહેશે. ત્યાં સંબંધિત પ્રવાસીઓને શારીરિક અને મનોવૈજ્ઞાનિક રૂપથી મજબૂત બનાવવા માટે ત્રણ દિવસનું પ્રશિક્ષણ પણ આપવામાં આવશે. જ્યાર બાદ તેઓને અહીં રહેવાની પણ અનુમતિ મળશે. તેઓએ ખાસ ઉપકરણ પહેરીને જ આ કૃત્રિમ મંગળ પર જવાનું રહેશે.
એક યાદગાર સફર
આ કંપનીનું કહેવું એમ છે કે આ યાત્રા કોઇ રોમાંચથી ઓછી નથી. જેને આ સફરનો અનુભવ લીધો તે તેને ક્યારેય નહીં ભૂલી શકે. કંપનીનું કહેવું એમ છે કે તેઓ ટ્રિપ એડ્વાઇઝર સાથે મળીને કામ કરી રહેલ છે.