- શુક્રવારે ઇકાના સ્ટેડિયમમાં યોગી આદિત્યનાથ મુખ્યમંત્રી પદના લેશે શપથ
- સતત બીજી વખત ઉત્તરપ્રદેશના મુખ્યમંત્રી તરીકે શપથ લેશે
- ઉત્તરપ્રદેશ ચૂંટણીમાં ભાજપે 255 બેઠકો પર જીત મેળવી છે
દેશના સૌથી મોટા રાજ્ય ઉત્તરપ્રદેશમાં મુખ્યમંત્રી યોગી આદિત્યનાથ આવતીકાલે શપથ ગ્રહણ કરશે. આજે યોજાયેલી ધારાસભ્ય દળની બેઠકમાં તેમને નેતા તરીકે ચૂંટવામાં આવ્યા. યોગીનું નામ નક્કી જ હતું. આજે માત્ર ઔપચારિક જાહેરાત કરવામાં આવી. પર્યવેક્ષક તરીકે આવેલા કેન્દ્રીય ગૃહમંત્રી અમિત શાહ અને ઝારખંડના પૂર્વ મુખ્યમંત્રી રઘુવર દાસની હાજરમાં યોગીને ધારાસભ્ય દળના નેતા પસંદ કરાયા. ત્યારે યોગી મંત્રીમંડળમાં સામેલ નામોને લઇને નવી યાદી સામે આવી છે.
યોગી સરકારની કેબિનેટ 2.0ને લઇને કહેવામાં આવી રહ્યું છે કે અંદાજિત 2 ડઝન કેબિનેટ મંત્રી, અંદાજિત 12 રાજ્ય મંત્રી (સ્વતંત્ર હવાલો) બનાવી શકાય છે. ત્યારે અંદાજિત 10થી વધુ રાજ્યમંત્રી પણ બનાવી શકાય છે.
જુઓ ઉત્તરપ્રદેશના સંભવિત મંત્રીઓની યાદી
યોગી સરકારની કેબિનેટ 2.0 પર અંતિમ મહોર લાગી ચૂકી છે. સૂત્રોના અનુસાર, ઉત્તરપ્રદેશમાં ફરીથી 2 નાયબ મુખ્યમંત્રી બનાવવામાં આવી શકે છે. કેશવ પ્રસાદ મૌર્ય બીજી વખત ઉત્તરપ્રદેશના નાયબ મુખ્યમંત્રી બનશે. યોગી મંત્રીમંડળમાં સામેલ થનારા કેબિનેટ મંત્રીઓની યાદીને લઇને કહેવામાં આવી રહ્યું છે કે સ્વતંત્ર દેવ સિંહને કેબિનેટ મંત્રી બનાવી શકાય છે. શ્રીકાંત શર્માને બીજી વખત મંત્રી બનાવવાનું લગભગ નક્કી માનવામાં આવી રહ્યું છે. પૂર્વ IPS અસીમ અરૂણને મંત્રી બનાવવામાં આવશે. સિદ્ધાર્થ નાથ સિંહ ફરી મંત્રી બની શકે છે. મહેન્દ્રસિંહને મહત્વનું મંત્રાલય મળી શકે છે. બેબી રાની મૌર્યને કેબિનેટ મંત્રી બનાવવામાં આવશે. જિતિન પ્રસાદ ફરી મંત્રી બનશે. અનિલ રાજભર ફરી મંત્રી બની શકે છે. બ્રાહ્મણ સમાજથી સુનીલ શર્માને મંત્રી બનાવવામાં આવશે. જાટ નેતા ભૂપેન્દ્ર ચૌધરી મંત્રી બની શકે છે. નિષાદ પાર્ટીના સંજય નિષાદનું કેબિનેટ મંત્રી બનવું નક્કી માનવામાં આવી રહ્યુઁ છે. અશ્વિની ત્યાગીને પણ યોગી કેબિનેટમાં જગ્યા મળી શકે છે. સતીષ મહાના પણ યોગી મંત્રીમંડળમાં નજરે આવી શકે છે. બૃજેશ પાઠક પણ યોગી કેબિનેટમાં ફરીથી નજરે આવી શકે છે.
શુક્રવારે ઇકાના સ્ટેડિયમમાં યોગી આદિત્યનાથ મુખ્યમંત્રી પદના લેશે શપથ
ઉત્તરપ્રદેશના મુખ્યમંત્રી તરીકે યોગી આદિત્યનાથ શુક્રવારે શપથ ગ્રહણ કરશે. પ્રધાનમંત્રી નરેન્દ્ર મોદી, ભાજપના દિગ્ગજ નેતા, ઉદ્યોગપતિ અને સંત પણ શપથ ગ્રહણ સમારોહમાં ઉપસ્થિત રહેશે. લખનઉમાં ઇકાના સ્ટેડિયમમાં યોગી આદિત્યનાથનો ભવ્ય શપથગ્રહણ સમારોહ 25 માર્ચ શુક્રવાર સાંજે 4 વાગ્યે થશે. માહિતી અનુસાર, દિનેશ શર્માને ભાજપ પ્રદેશ અધ્યક્ષ બનાવવામાં આવી શકે છે.
ઉત્તરપ્રદેશ ચૂંટણીમાં ભાજપે 255 બેઠકો પર જીત મેળવી છે
ઉત્તરપ્રદેશ વિધાનસભા ચૂંટણીમાં સત્તાધારી ભાજપને 255 બેઠકો મળી, જ્યારે સાથી પક્ષ અપના દળ સોનેલાલને 12 અને નિષાદ પાર્ટીને 6 બેઠકો પર જીત મળી. ત્યારે શુક્રવારે યોગી મંત્રીમંડળનો ભવ્ય શપથ ગ્રહણ સમારોહ યોજાશે. લખનઉના અટલ બિહારી વાજપેયી ક્રિકેટ સ્ટેડિયમમાં શપથ સમારોહ યોજાશે. જેમાં 12 રાજ્યના મુખ્યમંત્રી સામેલ થશે. 5 લાખથી વધુ લોકો સામેલ થવાનો અંદાજ છે. 40થી વધુ ધારાસભ્યો મંત્રીપદના શપથ લેશે. જ્યારે 75 જિલ્લામાં પૂજાપાઠ થશે.
