- UPના સીએમ યોગી આદિત્યનાથનો આજે જન્મદિવસ
- વડાપ્રધાન મોદી અને અમિત શાહે આપી શુભેચ્છાઓ
- પીએમ મોદીએ ગણાવ્યા ડાયનેમિક સીએમ
વડા પ્રધાન નરેન્દ્ર મોદીએ રવિવારે ઉત્તર પ્રદેશના મુખ્ય પ્રધાન યોગી આદિત્યનાથને તેમના 50માં જન્મદિવસની શુભેચ્છા પાઠવી હતી. યોગી આદિત્યનાથને ડાયનેમિક સીએમ ગણાવતા વડાપ્રધાન મોદીએ કહ્યું હતું કે, તેમના નેતૃત્વમાં રાજ્યે પ્રગતિની નવી ઊંચાઈઓને સ્પર્શી છે. પીએમએ ટ્વીટ કર્યું કે, યુપીના ડાયનેમિક સીએમ યોગી આદિત્યનાથને જન્મદિવસની શુભેચ્છા. તેમના સક્ષમ નેતૃત્વમાં રાજ્યએ પ્રગતિની નવી ઊંચાઈઓને સ્પર્શી છે. તેમણે રાજ્યના લોકો માટે કલ્યાણકારી શાસન આપ્યું છે. હું તેમના સ્વસ્થ અને લાંબા આયુષ્યની પ્રાર્થના કરુ છું.
રાજનાથ સિંહે યોગી આદિત્યનાથને જન્મદિવસની શુભેચ્છા પાઠવી
રક્ષા મંત્રી રાજનાથ સિંહે પણ સીએમ યોગી આદિત્યનાથને જન્મદિવસની શુભેચ્છા પાઠવી છે. એક ટ્વિટમાં, તેમણે કહ્યું, “મુખ્યમંત્રી યોગી આદિત્યનાથ જીને જન્મદિવસની શુભેચ્છાઓ, જેઓ પોતાની તમામ તાકાત અને કુનેહથી નવા ઉત્તર પ્રદેશના નિર્માણમાં લાગેલા છે. રાજ્યના લોકોના કલ્યાણ અને વિકાસ માટે તેઓ સમર્પિત ભાવના સાથે અથાક મહેનત કરી રહ્યા છે. ભગવાન તેમને સ્વસ્થ રાખે અને લાંબુ આયુષ્ય આપે.
અમિત શાહે આપી શુભેચ્છાઓ
આ સાથે જ ગૃહમંત્રી અમિત શાહે પણ મુખ્યમંત્રી યોગી આદિત્યનાથને જન્મદિવસની શુભેચ્છા પાઠવી છે. તેમણે ટ્વીટ કર્યું, “યોગી આદિત્યનાથ જીને જન્મદિવસની શુભેચ્છા. મોદીજીના માર્ગદર્શન હેઠળ તમે ઉત્તર પ્રદેશને જે રીતે ગુંડારાજ અને માફિયારાજથી મુક્ત કરીને વિકાસલક્ષી સરકાર આપી છે, તે રીતે રાજ્ય પ્રગતિના નવા રેકોર્ડ બનાવી રહ્યું છે. હું ભગવાનને પ્રાર્થના કરું છું કે તમે સ્વસ્થ રહો અને લાંબુ જીવો.
માયાવતીએ ટ્વિટ કરીને યોગી આદિત્યનાથને શુભેચ્છા પાઠવી છે
બહુજન સમાજ પાર્ટીના વડા માયાવતીએ પણ યુપીના સીએમને તેમના જન્મદિવસ પર હાર્દિક શુભેચ્છાઓ પાઠવી હતી. તેમણે ટ્વીટ કર્યું, "ઉત્તર પ્રદેશના મુખ્યમંત્રી યોગી આદિત્યનાથજીને આજે તેમના જન્મદિવસ પર હાર્દિક શુભેચ્છાઓ અને તેમના લાંબા આયુષ્યની શુભેચ્છા. દરમિયાન, યુપી સીએમના સમર્થકો તેમનો 50મો જન્મદિવસ 5100 કિલોની કેક સાથે ઉજવશે.
