યસ બેન્ક કૌભાંડને લઇને બીજેપી નેતા કિરીટ સોમૈયાએ અંબાણી ગ્રુપ સહિત મોટી કંપનીઓ પર 60 હજાર કરોડના કૌભાંડનો આરોપ લગાવ્યો છે. તેઓએ 10 કંપનીઓની સૂચી જારી કરી છે જે આ કૌભાંડના સૌથી મોટા ડિફોલ્ટર્સ છે.
કિરીટ સોમૈયાએ પોતાના ટ્વિટર હેન્ડલ પર એક વીડિયો જારી કરી આ આરોપ લગાવ્યો
સોમૈયાએ પોતાના ટ્વિટર હેન્ડલ પર એક વીડિયો જારી કરી આ આરોપ લગાવ્યો છે. તેઓએ કહ્યું કે યસ બેન્કથી લોન લઇને નહીં ચૂકવનારમાંથી અનિલ અંબાણી સમૂહ, અસ્સેલ સમૂહ, ડીએચએફએલ અને જેટ એરવેજ જેવી કંપનીઓ સામેલ રહી છે. કિરીટ સોમૈયા મહારાષ્ટ્ર ભાજપ એકમના ઉપાધ્યક્ષ છે.
તેઓએ પોતાના ટ્વિટમાં ઘણી કંપનીઓના નામ લીધા છે. જેમા અનિલ અંબાણી ગ્રુપ-12,800 કરોડ રૂપિયા, અસ્સેલ ગ્રુપ-8,400 કરોડ રૂપિયા, ડીએચએફએલ ગ્રુપ-4,735 કરોડ રૂપિયા, આઇએલ એન્ડ એફએસ-2,500 કરોડ રૂપિયા, જેટ એર-1,100 કરોડ રૂપિયા, Cox & Kings, Go Travel-1,000 કરોડ રૂપિયા, બીએમ ખૈતાન ગ્રુપ-1,250 કરોડ રૂપિયા, Omkar Realtors-2,710 કરોડ રૂપિયા, Radius Developers-1,200 કરોડ રૂપિયા, C G Power Thapar Group-500 કરોડ રૂપિયા સામેલ છે.
નોંધનીય છે કે નાણાકીય સંકટથી પસાર થઇ રહેલી યસ બેન્ક બોર્ડને આરબીઆઇએ સપ્તાહ પહેલા જ ભંગ કરી ચૂકી છે. સાથે જ કેટલાક મામલાઓને છોડીને આરબીઆઇએ બેન્કથી પૈસા નીકાળવાની રકમની મર્યાદા નક્કી કરી દીધી છે.