Women's Day Special / સુરતની આ એકમાત્ર મહિલા બાઈક ટૅક્સી ડ્રાઈવર, 9 વર્ષથી ચાલતી કોર્પોરેટ જૉબ છોડી દીધી

• સુરતની એકમાત્ર મહિલા બાઈકર
• પોતાના અનુકુળ સમયે લઈ લે છે ઓલાની બાઈક રાઈડ
• બીજી મહિલાઓ માટે રોલમોડેલ

મહિલાઓની ડ્રાઈવીંગની ક્ષમતા વિશે કાયમ ટીકા-ટીપ્પણીઓ થતી રહી છે. મહિલા છે એટલે સારી ડ્રાઈવર ન હોઈ શકે. આ તે કેવી માનસિકતા? પણ સુરતની હર્ષિકા પંડ્યાએ પોતાનો રસ્તો પોતે જ નક્કી કર્યુ છે. 37 વર્ષની હર્ષિકાએ ભારતમાં બાઈક ટેક્સી સેગમેન્ટમાં મહિલાઓ માટે નવી કેડી કંડારી છે. 

સુરતની એકમાત્ર મહિલા બાઈકર

હર્ષિકા ભણવામાં  હોશિંયાર હતે તેણે જર્નલિઝમમાં પોસ્ટ ગ્રેજ્યુએશન કર્યુ છે. તે તાજેતરમાં દુનિયાની સૌથી મોટી રાઈડ-હેલિંક પ્લેટફોર્મ ઓલા સાથે જોડાઈ છે આ માટે તેણે પોતાની 9 વર્ષની કોર્પોરેટની નોકરીને તીલાંજલી આપી હતી. 

તેણે ઓલા સાથે બાઈકરની નોકરી કરવાનું વિચાર્યુ અને હાલમાં તેનો આત્મવિશ્વાસ આસમાનને આંબી રહ્યો છે. આ નોકરીમાં તેને સન્માન અને એક અલગ ઓળખ મળી છે. 

પોતાના અનુકુળ સમયે લઈ લે છે ઓલાની બાઈક રાઈડ

હર્ષિકા પરિવારની સાથે આ કામ કરે છે અને એ પણ જ્યારે તેને જે સમય અનુકૂળ હોય તે જ સમયની રાઈડ તે સ્વીકારે છે. તેના મોટા ભાગના ગ્રાહક વિદ્યાર્થીઓ હોય છે જે તેને આ રીતે બાઈક ચલાવતા જોઈને ખુશખુશાલ થઈ જાય છે. 

બીજી મહિલાઓ માટે રોલમોડેલ

હર્ષિકા માત્ર  કમાણી માટે જ નહીં પરંતુ એક અનોખા પ્રયોગ અને સાહસરૂપે આ કામ કરી રહી છે અને લોકો તેના આ સાહસને વખાણી રહ્યા છે તે વધુને વધુ બાઈક રાઈડ કરીને લોકો સુધી પહોંચવા માંગે છે.