મહિલા સાથે કથિત યૌન શોષણના આરોપ સર ચીફ જસ્ટીસ રંજન ગોગોઈને સુપ્રીમ કોર્ટે ક્લિનચીટ આપી છે. તો સુપ્રીમ કોર્ટે ક્લિનચીટ આપતા ચીફ જસ્ટીસ રંજન ગોગોઈ વિરૂદ્ધ મહિલા કાર્યકર્તાઓ અને સામાજીક સંગઠનો વિરોધ પ્રદર્શન પર ઉતર્યા છે. જોઇએ સમગ્ર અહેવાલ.
મહિલાઓએ સુપ્રીમ કોર્ટની બહાર જ વિરોધ પ્રદર્શન કરતા પોલીસે સુપ્રીમ કોર્ટની બહાર કલમ 144 લગાવી અને કેટલીક મહિલાઓની પણ અટકાયત કરવામાં આવી. અહીં સુપ્રીમ કોર્ટ બહાર કેટલીક મહિલાઓ અને મહિલા વકીલો હાથમાં બનેરો અને સુત્રોચ્ચાર સાથે વિરોધ પ્રદર્શન માટે ઉતરી હતી.
ઉલ્લેખનીય છે કે, સુપ્રીમ કોર્ટે રંજન ગોગોઈ વિરૂધ્ધ કોઈ પુરાવા ના મળ્યા હોવાની પણ વાત કરી છે... સુપ્રીમ કોર્ટે કહ્યું કે, ચીફ જસ્ટીસ રંજન ગોગોઈ વિરૂદ્ધ કોઈ પુરવા મળ્યા નથી અને તેમના પર લગાવેલા આરોપમાં દમ નથી. જે બાદ મહિલા કાર્યકર્તાઓ અને સામાજીક સંગઠનો વિરોધમાં ઉતર્યા હતા.