પાડોશીઓને ડરાવવાની કિંમત એક મહિલાએ પોતાનો જીવ આપીને ચૂકવવી પડી. મહિલા ભયજનક મેકઅપ કરી સફેદ રંગના ડ્રેસમાં રાત્રિના સમયે રસ્તા પર ફરી રહી હતી. મહિલાને આ રૂપમાં જોઈને એક શખ્સ એટલો ડરી ગયો કે મહિલાને ગોળી ધરબી દીધી હતી. આ ઘટના મેક્સિકોના નૌકલપન ડી જુઆરેજમાં થઈ. પોલીસે મૃતકોની ઓળખ ઉજાગર કરી નથી.
મહિલાને મેકઅપ કરવો પડ્યો ભારે
એક શખ્સે મહિલાને ભયજનક ગેટઅપમાં જોઈને ગોળી મારી દીધી
મહિલાનું થયુ મોત, આરોપી ઘટનાસ્થળેથી ફરાર
ડરેલા લોકોએ વીડિયો પણ બનાવ્યો
એક રિપોર્ટ મુજબ, મૃતક મહિલાની ઉંમર 20 થી 25 વર્ષની વચ્ચે જણાવવામાં આવી છે. મહિલાએ લેટીન અમેરિકાની 'La Llorona' ની જેમ પોતાને તૈયાર કરી હતી. કહેવામાં આવે છે કે La Llorona એક ભૂત હતી. જે પોતાના બાળકોની યાદમાં રસ્તા પર રોતા-રોતા ફરતી હતી. મૃતક મહિલા બિલ્કુલ આ અંદાજમાં રાત્રે ફરતી હતી. આજુબાજુ રહેતા કેટલાંક લોકોએ તેનો વીડિયો પણ બનાવ્યો છે.
આરોપી ઘટનાસ્થળેથી ફરાર
એક સ્થાનિકે જણાવ્યું કે મહિલા ખૂબ જ ભયજનક ગેટઅપમાં હતી. મહિલા રોતા-રોતા ઓ મેરે બચ્ચેની બૂમો પાડી રહી હતી. જેને જોઈને એક શખ્સ એટલો બધો ડરી ગયો કે તેણે ગોળીઓ વરસાવી દીધી. જેના કારણે મહિલાનું મોત થયુ. ત્યારબાદ આરોપી ઘટનાસ્થળેથી ફરાર થયો. પોલીસે મૃતકોની ઓળખ હજી ઉજાગર કરી નથી અને આ મામલે હજી સુધી કોઈની ધરપકડ કરવામાં આવી નથી.
પોલીસે સાધ્યું મૌન
પોલીસનું કહેવુ છે કે 15 ઓક્ટોબરની આ ઘટનાની તપાસ થઇ રહી છે. જોકે, આ અંગે વધારે કહી શકાય એવુ નથી. ઉલ્લેખનીય છે કે, મેક્સિકોમાં 31 ઓક્ટોબરે હેલોવીન ડે મનાવવાની તૈયારી થઈ રહી છે. આ દિવસે લોકોનો આત્માઓ અને ભૂતોની જેમ મેકઅપ કરવામાં આવે છે. તેઓ પોતે પણ એવા તૈયાર થાય છે કે લોકો તેને જોઈને ડરી જાય.