કેન્દ્ર સરકાર 1 જુલાઈથી તેના કર્મચારીઓ અને પેન્શનર્સ માટે ડીએમાં વધુ 4 ટકાનો વધારો કરી શકે છે. જો 4 ટકા વધારે ડીએ મળે તો કર્મચારીઓના પગારમાં 27, 000નો વધારો આવી શકે છે.
કેન્દ્રીય કર્મચારીઓને જુલાઈમાં મળી શકે ખુશખબર
કેન્દ્ર સરકાર 1 જુલાઈથી ડીએમાં 4 ટકાનો વધારો કરી શકે છે
હાલમાં મળી રહ્યું છે 34 ટકા ડીએ
4 ટકાના વધારા સાથે ડીએ થઈ શકે છે 38
4 ટકાના ડીએ વધારા સાથે કેન્દ્રીય કર્મચારીઓનો પગાર 27000 વધી શકે
કેન્દ્ર સરકારના કર્મચારીઓ માટે સારા સમાચાર છે. જો તમે પણ સરકારી કર્મચારી છો અને પગાર વધવાની રાહ જોઈ રહ્યા છો તો જુલાઈથી તમારા ખાતામાં વધુ પૈસા આવી શકે છે. તમને જણાવી દઈએ કે તમારી સેલેરીમાં પૂરા 27 હજાર રૂપિયાનો વધારો થઈ શકે છે.એઆઈસીપીઆઈ ઈન્ડેક્સ મુજબ સરકાર આ વખતે ડીએમાં પૂરા 4 ટકાનો વધારો કરે તેવી શક્યતા છે, ત્યારબાદ કર્મચારીઓનો ડીએ 34 ટકાથી વધીને 38 ટકા થઈ જશે.વર્ષ 2022ની શરૂઆતથી અત્યાર સુધીના બે મહિનામાં ઇન્ડેક્સમાં ઘટાડો જોવા મળ્યો હતો. જાન્યુઆરીમાં તે 125.1 હતો, ફેબ્રુઆરીમાં તે 125 હતો અને માર્ચમાં તે 126 હતો. સાથે જ એપ્રિલ, મે અને જૂનમાં 126થી ઉપર રહે છે તો સરકાર ડીએમાં 4 ટકાનો વધારો કરી શકે છે.
મોંઘવારી વચ્ચે વધી શકે છે સેલરી
સતત વધી રહેલી મોંઘવારીની વચ્ચે સરકાર જલ્દી જ કર્મચારીઓના ડીએમાં વધારો કરી શકે છે. ઓલ ઇન્ડિયા કન્ઝ્યુમર પ્રાઇસ ઇન્ડેક્સ (એઆઇસીપીઆઇ) અનુસાર, સરકાર ડીએમાં પૂરા 4 ટકાનો વધારો કરી શકે છે. એપ્રિલમાં રિટેલ મોંઘવારી દર 7.79% ની રેકોર્ડ ઉંચી સપાટીએ પહોંચી ગયો હતો. જ્યારે ખાદ્યાન્ન મોંઘવારીનો દર 8.38 ટકા રહ્યો હતો. ફુગાવાનો આ દર છેલ્લા 8 વર્ષના ઉચ્ચ સ્તરે છે.
જાણી લો એક ઉદાહરણ
એક અંદાજ મુજબ જો કોઈ કર્મચારીનો બેઝિક પગાર 18,000 રૂપિયા હોય તો 34 ટકાના દરે તેનું મોંઘવારી ભથ્થું 6,120 રૂપિયા થઈ જાય છે. હવે જો તે 38 ટકા હશે તો કર્મચારીને 6,840 રૂપિયાનું મોંઘવારી ભથ્થું મળશે. આ રીતે તેમને વાર્ષિક પગાર 8,640 રૂપિયા વધુ મળશે. 7માં પગાર પંચ હેઠળ કર્મચારીઓનો મિનિમમ બેઝિક સેલરી 18,000 રૂપિયા છે.
દર મહિને બેઝિક સેલરી - 18,000 રૂપિયા
ડીએ અત્યાર સુધી (34 ટકા) - 6,120 રૂપિયા
ડીએ રિવાઇઝ્ડ (38 ટકા) - 6840 રૂપિયા
ડીએમાં માસિક વધારો - 720 રૂપિયા
પગારમાં વાર્ષિક કેટલો વધારો થશે (માસિક વધારો x 12) - 8,640
ઘણા રાજ્યોએ પણ ડીએમાં કર્યો વધારો
કેન્દ્ર સરકાર પછી ઘણા રાજ્યોએ પણ ડીએમાં વધારો કરી દીધો છે. ઘણા રાજ્યોના કર્મચારીઓના ડીએ પણ કેન્દ્રીય કર્મચારીઓની બરાબર 34 ટકા પર પહોંચી ગયા છે. હવે એવી ખબર સામે આવી છે કે મહારાષ્ટ્ર સરકાર પણ તેના કર્મચારીઓને 34 ટકા ડીએ આપી શકે છે.