2022 ELECTIONS / ગુજરાતમાં વિધાનસભાની ચૂંટણી વહેલી થવાની અટકળો, આજે PM મોદી કરશે BJP કાર્યકર્તાઓ સાથે વાતચીત

• ગુજરાતમાં વિધાનસભા ચૂંટણીની ફરી ચર્ચા શરૂ
• ભાજપની તૈયારીઓ જોતા વહેલી ચૂંટણીની અટકળો
• PM મોદી આજે પેજ સમતિના કાર્યકરોને સંબોધન કરશે  

ગુજરાતમાં વિધાનસભા ચૂંટણીની ફરી ચર્ચા શરૂ

ગુજરાતમાં આ વર્ષના અંતમાં વિધાનસભા ચૂંટણી યોજાવાની છે. ભારતીય જનતા પાર્ટી સત્તામાં વાપસી કરવા માટે મેદાનમાં ઉતરવાની છે. ભાજપે અત્યારથી જ ચૂંટણીની તૈયારી શરૂ કરી દીધી છે. જેની વચ્ચે આજે PM મોદી નમો એપ દ્વારા  પેજ સમિતિના સભ્યો સાથે સંવાદ કરશે. ભાજપ દ્વારા આ માહિતી આપવામાં આવી છે. 
 
PM મોદી આજે પેજ સમિતિના કાર્યકર્તાઓને સંબોધશે

ભારતીય જનતા પાર્ટી ચૂંટણીમાં પેજ પ્રમુખને ખુબ મહત્વનું સ્થાન આપે છે. ભાજપ પેજ પ્રમુખના સહારે પોતાની રણનીતિ પણ બનાવતું હોય છે. હવે આ પેજ પ્રમુખો સાથે PM મોદી સંવાદ કરશે. આ દરમિયાન PM મોદી ચૂંટણીને લઈને પણ માર્ગદર્શન આપી શકે છે. ઉલ્લેખનીય છે કે, ગુજરાતમાં ભાજપના પાંચ લાખથી વધુ પેજ પ્રમુખો છે. 

ભાજપની તૈયારીઓ જોતા વહેલી ચૂંટણીની અટકળો

5 રાજ્યોની ચૂંટણી બાદ ભાજપ ગુજરાત પર ફોકસ કરશે. મહત્વનું છે કે, ગુજરાતમાં આ વર્ષના અંત વિધાનસભાની ચૂંટણી યોજાવાની છે. બીજી તરફ જે રીતે ભાજપની તૈયારીઓ જોતા વહેલી ચૂંટણીની અટકળો શરૂ થઈ છે. સૂત્રોના જણાવ્યા અનુસાર બજેટ સત્ર બાદ વાયબ્રાન્ટ સમિટનું આયોજન થઇ શકે છે. તેમજ પ્રદેશ ભાજપે સંગઠન સ્તરે તમામ તૈયારીઓને આખરી ઓપ આપી દેવામાં આવ્યો છે. ઉલ્લેખનીય છે કે, ભાજપે તાજેતરમાં કોર કમિટી, શિસ્ત સમિતિ અને પાર્લામેન્ટ્રી બોર્ડની કરી રચના કરી છે. તેમજ બોર્ડ-નિગમના નવા ચેરમેનોની નિમણૂંકની તૈયારી પણ શરૂ કરી દીધી છે