બોલિવુડ એક્ટર આયુષ્માન ખુરાના 14 સપ્ટેમ્બર એટલે કે આજે પોતાનો જન્મદિવસ ઉજવી રહ્યો છે. આજના દિવસે 1984માં ચંડીગઢમાં તેનો જન્મ થયો હતો. આયુષ્માન ખુરાનાએ પોતાના અલગ-અલગ કેરેક્ટર્સ અને શાનદાર એક્ટિંગને કારણે લોકોના હૃદયમાં ખાસ જગ્યા બનાવી છે.
14 સપ્ટેમ્બર 1984માં ચંડીગઢમાં થયો હતો આયુષ્માનનો જન્મ
આયુષ્માને વર્ષ 2012માં પોતાની ફિલ્મ વિક્કી ડોનરથી બોલિવુડમાં કર્યુ હતુ ડેબ્યૂ
તાજેતરમાં જ રિલીઝ થઇ આયુષ્માનની ફિલ્મની 'ડ્રીમ ગર્લ'
થોડા સમય પહેલા જ આયુષ્માનને ફિલ્મ 'અંધાધુન' માટે નેશનલ એવોર્ડ ફોર બેસ્ટ એક્ટરનો એવોર્ડ આપવામાં આવ્યો. આયુષ્માને 17 વર્ષની ઉંમરમાં જ એક ચેનલના રિયાલિટી શોમાં ભાગ લીધો હતો, જેમાં તે સૌથી નાના કન્ટેસ્ટન્ટમાંથી એક હતો. જે પછી વર્ષ 2004માં તેણે એમ ટીવી પર આવતા રિયાલિટી શો રોડીઝની બીજી સિઝનમાં ભાગ લીધો હતો અને જેનો તે વિનર બન્યો હતો.
આજે નેશનલ એવોર્ડ વિનર આયુષ્માનની જિદંગીનો એક એવો કિસ્સો તેમને જણાવીશું જેના વિશે ભાગ્યે જ કોઇ જાણતુ હશે. જ્યારે આયુષ્માનની ફિલ્મ 'વિક્કી ડોનર' રિલીઝ થઇ હતી, તે પછી આયુષ્માન પાસે એક યુવતીએ સ્પર્મની ડિમાન્ડ કરી હતી. જી હા, આ ઘટના વાસ્તવિક અને ચોંકાવનારી છે.
થયું એવુ હતુ કે જ્યારે આયુષ્માનની ફિલ્મ 2012માં વિક્કી ડોનર આવી હતી તેમાં તેણે એક સ્પર્મ ડોનરના રોલ પ્લે કર્યો હતો.આ ફિલ્મની રિલીઝ પછી તે પોતાની માતાની સાથે ચંડીગઢના એક મૉલમાં ફરી રહ્યો હતો. આ દરમિયાન એક યુવતીએ આયુષ્માનને જોઇને તેના નજીક આવીને કહ્યુ કે, ''મને તમારું સ્પર્મ જોઇએ છે.'' આયુષ્માન તે સમયે પોતાની માતાની સાથે હતો જેથી તે શરમાઇ ગયો અને તેની માતા પણ ચોંકી ગઇ હતી.
જોકે તમને જણાવી દઇએ કે, આયુષ્માન રિયલ લાઇફમાં સ્પર્મ ડોનેટ કરી ચુક્યો છે. આ વાતનો ખુલાસો આયુષ્માન પોતે એક ચેટ શોમાં કર્યો હતો. આયુષ્માને જણાવ્યુ કે, એક રિયાલિટી શોના ટાસ્ક દરમિયાન તેણે પોતાનુ સ્પર્મ ડોનેટ કર્યુ હતુ.
ઉલ્લેખનીય છે કે, આયુષ્માન ખુરાનાની ફિલ્મ 'ડ્રીમ ગર્લ' 13 સપ્ટેમ્બરના રિલીઝ થઇ. આ ફિલ્મને ઓડિયન્સ અને ક્રિટિક્સ તરફથી પોઝિટિવ રિસપોન્સ મળ્યો છે. ફિલ્મ 'ડ્રીમ ગર્લ'ની કમાણી વાત કરવામાં આવે તો આયુષ્માનના કરિયરની પહેલા દિવસે સૌથી વધુ કમાણી કરનાર ફિલ્મ બની ગઇ છે.
ટ્રેડ એનાલિસ્ટ તરણ આદર્શ અનુસાર, આયુષ્માન ખુરાનાની ફિલ્મ 'ડ્રીમ ગર્લ' એ રિલીઝના પહેલા જ દિવસે 10.5 કરોડની કમાણી કરી છે. ફિલ્મ 'ડ્રીમ ગર્લ' ની ઑપનિંગ ડેની કમાણીએ મોટી મોટી ફિલ્મોના રેકોર્ડ્સ તોડી દીધા છે.