વૉટ્સઍપ યુઝર્સના સારા અનુભવ માટે નવા નવા ફીચર્સ લાવતું રહે છે, હવે જૂના ફીચર્સના અપડેટ પણ આવી રહ્યાં છે. હાલ પૂરતા આ ફીચર્સ IOS યુઝર્સ માટે છે.
વૉટ્સઍપમાં આવશે નવા ફીચર્સ
ગ્રુપ કોલિંગમાં થઇ જશે ફેરફાર
સ્નેપચૅટ કરતા વધારે સારા ફીચર આવશે
હવે તમે ચાલતા વીડિયો કોલમાં જોઇન થઇ શકશો તેના માટે ફોન કાપીને ફરીથી ગ્રુપ કોલ કરવાની જરૂર નહી રહે. જેવી રીતે ગૂગલ મીટ પર તમે જોઇન બટન દબાવીને મિટીંગમાં જોઇન થઇ શકો છો તેવી રીતે વૉટ્સઍપ પર પણ જોઇન થઇ શકશો.
ગ્રુપ કોલિંગ માટે રોલઆઉટ
કંપનીએ નવા IOS બીટા અપડેટ માટે યુઝર ઇંટરફેસ પણ લોન્ચ કર્યુ છે. જોઇનેબલ કોલ્સ ફીચરને IOS ડિવાઇસ માટે બીટા અપડેટ 2.21.140.11 સાથે લોન્ચ કરવામાં આવી રહ્યું છે. ન્યૂ યુઝર ઇન્ટરફેસ ગ્રુપ કોલિંગ માટે રોલ આઉટ કરવામાં આવી રહ્યું છે.
ટેબ ટુ જોઇન કરતા જ વીડિયો કોલમાં જોડાઇ જશો
જો તમે કોઇને વીડિયો કોલ કર્યો છે અને કોઇ કારણથી તમે તે જોઇન કરી શક્યા નથી તો બાદમાં જોઇનેબલ ફીચરથી જોઇન થઇ શકશો. વીડિયોની વચ્ચે જ તમે જોઇન કરી શકશો.
સ્નેપચેટ જેવું ફીચર આવશે
ડેસ્કટોપ અને ફોનમાં ચાલતા વૉટ્સઍપ માટે 2.2126.11 નામનું ફીચર લાવી રહ્યાં છે જેમાં યુઝર દ્વારા મોકલવામાં આવેલી તસવીર કે વીડિયો રિસીવરને એક વાર જોઇ લે તે બાદ તરત જ ડિલીટ કરી દેવામાં આવશે. view once બટન એડ કરવામાં આવશે.
Archive મેસેજમાં થયો બદલાવ
આ સિવાય યુઝર્સ માટે ન્યૂ Archive નામનું ફીચર લોન્ચ કરવામાં આવશે. તેની ખાસિયત તે છે કે જો તમે કોઇ ચેટને આર્કાઇવ કરી છે અને તેમાં કોઇ મેસેજ આવે છે તો તેની નોટીફીકેશન નહી આવે અને તે ચેટ હંમેશા આર્કાઇવ રહેશે.