નવુ ફીચર / WhatsAppના યુઝર્સ માટે મોટા સમાચાર ! મેસેજ સાથે જોડાયેલુ આ કામ નહીં કરી શકો, આવી રહ્યું છે નવુ ફીચર

• WhatsAppના યુઝર્સ માટે મોટા સમાચાર
• વોટ્સએપનું આ નવુ ફીચર ફક્ત એક વૉટ્સએપ ગ્રુપ સુધી જ ફોરવર્ડ કરશે
• યુઝર્સને એકથી વધારે ગ્રુપ ચેટમાં ફોરવર્ડેડ મેસેજ મોકલવાથી રોકે છે

નવુ ફીચર એક વોટ્સએપ ગ્રુપ સુધી જ ફોરવર્ડ કરશે

વોટ્સએપનું આ નવુ ફીચર ફક્ત એક વૉટ્સએપ ગ્રુપ સુધી જ ફોરવર્ડ કરશે. નવી લિમિટ યુઝર્સને એકથી વધારે ગ્રુપ ચેટમાં ફોરવર્ડેડ મેસેજ મોકલવાથી રોકે છે. જેને બીટા એન્ડ્રોઈડ યુઝર્સને ટેસ્ટિંગ માટે આપવામાં આવ્યું હતું અને હવે તેને નવા iOS વર્ઝનમાં રોલઆઉટ કરાઈ રહ્યું છે. વોટ્સએપ ટ્રેકર WABetaInfo એ જોયુ કે એક સમયમાં એકથી વધુ ગ્રુપ ચેટમાં ફોરવર્ડ કરવામાં આવેલા મેસેજને ફોરવર્ડ કરવુ શક્ય નથી અને આ સ્પેમ અને ખોટી સૂચનાને મર્યાદિત કરવાની એક મોટી રીત છે. આ સાથે કહેવામાં આવ્યું છે કે મેસેજને ફોરવર્ડ કરવા માટે નવા નિયમ પહેલાથી જ ફોરવર્ડેડ મેસેજ પર લાગુ થાય છે.  

ટૂંક સમયમાં યુઝર્સ સુધી પહોંચશે

અમુક એન્ડ્રોઈડ બીટા ટેસ્ટર્સ માટે નવી લિમિટ પહેલાથી જ શરૂ કરવામાં આવી છે. પરંતુ વોટ્સએપ હવે વધુ યુઝર્સ માટે સમાન પ્રતિબંધને સક્ષમ કરી રહ્યું છે, જે એન્ડ્રોઈડ 2.22.8.11 અપડેટ માટે લેટેસ્ટ વોટ્સએપ બીટા ઈન્સ્ટોલ કરે છે અને આગામી અઠવાડિયામાં વધુ લોકોને સમાન ફેરફાર થશે. આ જ રીતે વોટ્સએપ કેમેરા ટેબને એક નવી કોમ્યુનિટી ટેબથી બદલવાની પ્લાનિંગ બનાવી રહ્યું છે, જે શક્ય કોમ્યુનિટી હોમ પર રીડાયરેક્ટ કરે છે. આ ફીચર અત્યારે પણ ડેવલપમેન્ટમાં છે અને તેને આવવામાં થોડો સમય લાગી શકે છે.