Update / WhatsAppમાં હવે મળશે આ 3 જોરદાર ફીચર્સ, તમે યુઝ કર્યા કે નહીં?

• વોટ્સમાં આવ્યા નવા ફીચર્જ
• વોટ્સએપ કોલમાં કોલ વેટિંગનો ઓપ્શન મળશે
• વોટ્સએપમાં સેટ કરી શકાશે રિમાઈન્ડર

ગ્રુપ ઈનવાઈટ ફીચર

શું તમે પણ વોટ્સએપ ગ્રુપથી પરેશાન થઈ ગયા છો અને ઈચ્છો છો કે કોઈ તમને તમારી ઈચ્છા વિના ગ્રુપમાં એડ ન કરે તો હવે હવે તમે ચિંતા મુક્ત થઈ જાઓ. વોટ્સએપમાં આ ફીચર આવી ગયું છે. હવે વોટ્સએપની સેટિંગમાં બદલાવ કરીને આ ફીચરનો ઉપયોગ કરી શકો છો. જેની મદદથી તમે પોતે નક્કી કરી શકશો કે કોણ તમને ગ્રુપમાં એડ કરી શકે છે. જોકે, અત્યાર સુધી એવું હતું કે જેની પાસે તમારો નંબર હોય તે તમને ગ્રુપમાં એડ કરી શકે છે. 

તેના માટે તમારે વોટ્સએપના Settingsને ઓપન કરો. પછી Accountમાં Privacy અને પછી Groups પર ક્લિક કરો. અહીં તમે Who can add me to groups (તમને ગ્રુપમાં કોણ એડ કરી શકે છે)નો વિકલ્પ દેખાશે. અહીં તમે Everyone, my contacts અને my contacts exceptમાંથી કોઈપણ ઓપ્શન સિલેક્ટ કરી શકો છો. 

WhatsApp રિમાઈન્ડર ફીચર

વોટ્સએપ પર તમને જરૂરી કામના રિમાઈન્ડર પણ મળશે. આ નવા ટૂલની મદદથી તમે Task તૈયાર કરી શકશો. જેનો વોટ્સએપ પર રિમાઈન્ડર મળી જશે. તેના માટે યુઝર્સને Any.do ડાઉનલોડ કરવું પડશે. આ એપ્લિકેશનને વોટ્સએપ અકાઉન્ટથી લિંક કરી પડશે. પછી તમે કોઈપણ કામનો રિમાઈન્ડર સેટ કરી તેનો સમય નક્કી કરી શકશો. જોકે, આ ફીચર મફત નથી, તેના માટે તમારે  Any.doનું પ્રીમિયમ સબ્સક્રિપ્શન લેવું પડશે. 

વોટ્સએપ કોલ વેટિંગ ફીચર

આ ફીચર આવ્યા બાદ યુઝરથી કોઈ કોલ મિસ નહીં થાય. હવે વોટ્સએપ કોલ દરમિયાન યુઝર્સને કોલ વેટિંગ નોટિફિકેશન મળે છે. જો યુઝર કોઈની સાથે ફોન પર વાત કરી રહ્યો છે અને વોટ્સએપ પર અન્ય કોલ આવી જાય તો યુઝરની પાસે તેને રિસીવ અથવા કટ કરવાનો ઓપ્શન પણ મળશે.