ફીચર્સ / વોટ્સએપ લાવી રહ્યું છે આ 2 નવા જબરદસ્ત ફીચર્સ, બદલાઈ જશે યુઝર્સના ચેટિંગનો એક્સપીરિયન્સ

• વોટ્સએપના યુઝર્સ માટે સારાં સમાચાર
• હવે કંપની લાવી રહી છે આ બે નવા ફીચર્સ
• બદલાઈ જશે ચેટિંગનો એક્સપીરિયન્સ

રિપોર્ટમાં જાણકારી આપવામાં આવી છે કે આ બંને ફીચર બીટા વર્ઝન 2.20.203.3 અપડેટમાં જોવા મળ્યા છે. જોઇન મિસ્ડ કોલ્સ ફીચરની મદદથી યુઝર્સ મિસ થયેલા ગ્રુપ કોલનો હિસ્સો બની શકે છે અને બીજી તરફ બાયોમેટ્રિક લોક ફીચરના માધ્યમથી ઓથેન્ટિકેશન પ્રક્રિયાને ઇમ્પ્રૂવ કરવા તેમાં ફિંગરપ્રિન્ટ ઉપરાંત અન્ય વિકલ્પ જોડવામાં આવ્યા છે.

કંપની કરી રહી છે ટેસ્ટિંગ 

તમને જણાવી દઈએ કે, WhatsAppએ હાલમાં જ ગૂગલ પ્લે બીટા પ્રોગ્રામના માધ્યમથી નવું અપડેટ સબમિટ કર્યું છે. કંપની પોતાના બીટા વર્ઝનના માધ્યમથી નવા ફીચર્સનું ટેસ્ટિંગ કરશે અને જરુરી ફેરફાર કર્યા બાદ સામાન્ય યુઝર્સ માટે તેને લોન્ચ કરવામાં આવશે.

Join Missed Calls ફીચર

WaBetaInfoના રિપોર્ટ મુજબ, કંપની કેટલાક મહિનાઓથી આ ફીચર પર કામ કરી રહી છે. તેના આવ્યા બાદ તમે મિસ કરેલા ગ્રુપ કોલનો પણ હિસ્સો બની શકશો. નોંધનીય છે કે આવું માત્ર એ કન્ડિશનમાં થશે જ્યારે તે ગ્રુપ કોલ ચાલી રહ્યો હશે.

Biometric Lock ફીચર

 અત્યારે WhatsApp પર યુઝર્સને ફિંગરપ્રિન્ટ લોકનું ફીચર મળે છે, પરંતુ રિપોર્ટની માનીએ તો ટૂંક સમયમાં જ બાયોમેટ્રિક લોકનો ફીચર પણ મળી જશે. આ ફીચર બાદ તમારી ચેટ વધુ સિક્યોર થઈ જશે.

યુઝર્સને મળ્યું એડવાન્સ સર્ચ ફીચર 

વોટ્સએપે હાલમાં યુઝર્સને એડવાન્સ સર્ચનું ફીચર આપ્યું છે. જેના માધ્મથી યુઝર્સ સરળતાથી વોટ્સએપમાં ફોટો, વીડિયો, લિંક્સ, ઓડિયો, gif અને ડોક્યુમેન્ટ્સ સર્ચ કરી શકે છે. એટલે કે હવે મેસેજ ઉપરાંત મીડિયા ફાઈલ્સને સર્ચ કરવું પણ સરળ થઈ ગયું છે.