અમેરિકામાં નવા રાષ્ટ્રપતિ તરીકે જો બાયડનની નિમણૂંક થઈ છે ત્યારે હવે વ્હાઈટ હાઉસની રસોઈમાં પણ ફેરફાર આવશે. આ ફેરફાર બાયડને પોતે કર્યા છે અને હવે આ વ્યંજનોનો સમાવેશ કરાશે.
વ્હાઈટ હાઉસની રસોઈમાં આવ્યા ફેરફાર
બાયડનને પસંદ છે આ ખાસ વાનગીઓ
આઈસક્રીમ અને પારંપરિક ફૂડના શોખીન છે બાયડન
જો બાયડન અમેરિકાના રાષ્ટ્રપતિ બન્યા બાદ ખાસ કરીને વ્હાઈટ હાઉસના 4 ભાગમાં પરિવર્તન આવ્યું છે. અહીંનું 5 સ્ટાર કિટન 24 કલાક કામ કરે છે. વ્હાઈટ હાઉસ કિચનમાં હવે બાયડનની પસંદગીની વાનગીઓ બનશે. તો જાણો બાયડનને શું પ્રિય છે.
બાયડનને આ વાનગીઓ છે ખૂબ જ પસંદ
બાયડનને આઈસક્રીમ ખૂબ જ પસંદ છે. તેઓ અનેક પ્રકારની આઈસક્રીમ ખાવાનું પસંદ કરે છે. વ્હાઈટ હાઉસના શેફ લઝીઝ આઈસક્રીમ પણ બનાવશે. આ સિવાય બાયડન અને તેમનો પરિવાર પારંપરિક ફૂડનો પણ શોખીન છે. તેમને મીઠા અને મસાલેદાર અખરોટ પસંદ છે. જેને નાસ્તામાં તેઓ લે છે. આ અખરોટ જીરું, લાલ મરચું અને તજથી લપેટીને ખાસ રીતે બનાવાય છે. બાયડનને સપ્તાહના અંતમાં લંચમાં ખાસ પ્રકારનું ફ્રાય ચિકન પસંદ છે તેને સલાડ અને પાસ્તાની સાથે પીરસાય છે. આ ડિશ બાયડનના ઈતાલવી દાદી આખા પરિવાર માટે સન્ડેના લંચમાં બનાવતા. તેની સાથે રેડ સોસના પાસ્તા પણ ઈતાલવી વ્યંજન પસંદ કરે છે.
કેવું છે વ્હાઈટ હાઉસનું રસોડું
આ રસોડું લગભગ 55000 સ્કેવર ફૂટમાં ફેલાયેલું છે. અહીં અનેક લોકો અનેક સુવિધાઓ સાથે કામ કરે છે. આ ભવનમાં અમેરિકાના રાષ્ટ્રપતિની ઓફિસ છે. વ્હાઈટ હાઉસની રસોઈ કોઈ પણ સમયે 140 મહેમાનોને ડિનર પીરસવાની ક્ષમતા રાખે છે. જો કોઈ મોટો પ્રોગ્રામ કરાય છે તો તેની જાણકારી કિચનને પહેલાથી આપવામાં આવે છે. જેછી તે 1000 લોકોની વ્યવસ્થા કરી શકે. કોઈ વ્યક્તિગત પાર્ટી કરે છે તો તેની સામગ્રીનું બિલ મહિનાના અંતમાં તેઓ પોતે ભરે છે.
વ્હાઈટ હાઉસમાં આ 2 કામ 24 કલાક થતા રહે છે
વ્હાઈટ હાઉસમાં હાઉસ કીપિંગ અને કિચન 2 જગ્યા એવી છે જ્યાં 24 કલાક લોકો કામ કરે છે. રાષ્ટ્રપતિ અને તેમના પરિવાર માટે રોજ નાસ્તો, જમવાનું અને ડ્રિંક તૈયાર થાય છે. આ એ કિચન છે જે અન્ય દેશના રાષ્ટ્રપ્રમુખના ભોજ અને મહત્વની મિટિંગના ખાન પાનની તૈયારી પણ કરે છે.
ખાવાનું બનાવતા રખાય છે ખાસ સાવધાની
રાષ્ટ્રપતિનું ખાવાનું ખૂબ જ સાવધાની સાથે તૈયાર કરાય છે અને સાથે સર્વ કરતા પહેલાં તેની તપાસ પણ કરાય છે. વ્હાઈટ હાઉસમાં બહારથી ખાવાનું આવી શકતું નથી. તેની પરમિશન નથી. જો કે ટ્રમ્પના ટર્મમાં વ્હાઈટ હાઉસમાં બહારથી મેકડોનાલ્ડ, વેન્ડીઝ અને બર્ગર કિંગના ફાસ્ટ ફૂડ આવતા હતા.