દિવાળીનાં તહેવારોમાં ખરીદીમાં મશગુલ રહેશો તો તમારા બાળકનુ અપહરણ અને કિમંતી વસ્તુની ચોરી થઈ શકે છે. તહેવારોની ખરીદી કરવા જઈએ ત્યારે અનેકવાર પર્સ કિંમતી દાગીનાં કે બાળકો ચોરાઇ જવાનાં અનેક કેસ બનતાં હોય છે. ત્યારે પોલીસ આ ગુના અટકાવવી હોય છે . જો કે અહીં તો પોલીસ પોતે જ લોકોનો સામાન અને બાળકો ચોરી રહ્યાં છે. કેમ પોલીસ આમ કરી રહી છે...
પોલીસે કરી હતી અવેરનેશ ડ્રાઈવ, ચોરથી બચવા લોકોને સજાગ રહેવા આપી સલાહ
પોલીસે બાળકોનું અપહરણ કર્યું
લાલદરવાજા ખરીદી કરવા આવનારી મહિલાઓનીં બેગમાંથી કિંમતી વસ્તુઓ ચોરાયી. કેટલાક પુરુષોના ખિસ્સા કપાયાં. કેટલીક મહિલાઓ ખરીદીમાં એટલી મશગુલ હતી કે તેમનાં સંતાનો પણ ચોરાઈ ગયાં ત્યાં સુધી તેમને ખબર ન પડી. તપાસ કરતાં ખબર પડી કે આ બધી ચોરી ત્યાંની સ્થાનિક પોલીસ કરી રહી હતી. ત્યાં સુધી કે બાળકોનું અપહરણ પણ પોલીસે કર્યુ હતું. બીજી તરફ આ ઘટનાં સ્થળે ઉપરી પોલીસ અધિકારીઓ પણ હાજર હતાં તેમ છતાં તેઓએ પોલીસ કર્મીને રોક્યાં નહોતા. લોકોમાં કુતુહલ જાગી કે પોલીસ ચોરી રોકવાની જગ્યાં એ ચોરી કેમ કરી રહી છે. થોડીક વારમાં આ રહસ્ય અને કુતુહલનો અંત આવ્યો પોલીસે કહ્યું આ એક અવેરનેશ ડ્રાઇવ છે.
પોલીસ પોતે જ ચોર બની
તહેવારોમાં શોપિંગ કરવા જતાં લોકો ખરીદીમાં એટલા વ્યસ્ત હોય છે કે તેમને કંઈ જ ઘ્યાન હોતું નથી. ત્યારે પોલીસે આ તમામે જગાડવા માટે અને અવેર કરવાં માટે એક અવેરનેશ ડ્રાઇવનું આયોજન કર્યું હતું. જેમાં તેઓએ પોતે જ ચોર બનીને ખરીદી કરવા આવનારાં લોકોની વસ્તુ ચોરી તેમને થોડીક વાર બાદ પાછી આપી હતી. તેમજ તેમણે સમજાવ્યું હતું કે આતો અમે હતાં. એટલે તમને બાળક અને તમારી વસ્તુંઓ પાછી મળી ચોર હોત તો ન મળત.
ચોર બનવા સ્ક્વોર્ડ બનાવી
દિવાળીના પર્વમા ખરીદીમા વ્યસ્ત રહેતા લોકોને જાગૃત કરવા પોલીસ ખુદ ચોર બનીને બજારોમાં ચોરી કરી રહી હતી.. આ પ્રકારે તેમણે લોકોને જાગૃત કર્યા. પોલીસે ચોર ટોળકીનો ડેટા તૈયાર કર્યો છે.. જે ચોર ટોળકી બજારોમાં ફરતી હશે તેમને પકડવા માટે વિશેષ સ્ક્વોર્ડની રચના પણ કરાઈ છે.. આ ઉપરાંત બજારોમા સ્પીકર દ્વારા ચોર ટોળકીથી સાવચેત રહેવાની જાહેરાત કરીને લોકોને એલર્ટ પણ કરવામાં આવે છે..
પોલીસે લોકોને ઠપકો આપ્યો
બજારોમાં સક્રીય થતી ચોર ટોળકીથી સલામત રહેવા અને પોતાની કિમંતી વસ્તુઓની તકેદારી રાખવાનાં પોલીસના અનોખાં અભિયાનથી લોકોમાં ઉત્સાહ જોવાં મળ્યો. આ ઉપરાંત લોકોએ પોલીસના ઝુંબેશને બિરદાવીને પોતાની બેદરકારીનો સ્વીકાર પણ કર્યો. પોલીસે લોકોને ઠપકો આપવાની સાથે સતર્ક રહેવા પણ કહ્યું હતું.