ઇરિટેબલ બોવેલ સિન્ડ્રોમ એટલે કે આઇબીએસ આંતરડા સાથે જોડાયેલી એક બિમારી છે. તેને સ્પેસ્ટિક કોલન, ઇરિટેબલ કોલન, મ્યુક્સ કોઇલટિસ વગેરે નામથી પણ ઓળખવામાં આવે છે. તેની પરથી જાણવા મળ્યુ છે કે આંતરડામા ખરાબી શરુ થઇ ગઇ છે. તેની પર તાત્કાલિક ધ્યાન આપવું જોઇએ. તેમાં શારિરીક પરેશાની થાય છે. સાથે સાથે દર્દીની આખા દિવસની દિનચર્યા બગડે છે. પુરુષોની સરખામણીમાં આ બીમારી મહિલાઓમાં વધુ જોવા મળે છે.
ઇરિટેબલ બોવેલ સિન્ડ્રોમ આંતરડાથી જોડાયેલ બીમારી છે
મહિલાઓમાં વધુ જોવા મળે છે આ સમસ્યા
આ સમસ્યા જણાય તો તાત્કાલિક આપો ધ્યાન
આઇબીએસના મુખ્ય કારણોમાં ચિંતા, તણાવ અને સાથે સાથએ પેટમાં સંક્રમણ પણ છે. આંતરડાને નિયંત્રિત કરવા માટે મગજમાંથી સાઇટોકાઇન નામના હોર્મોન નીકળે છે. તણાવ કે ચિંતાથી આ હોર્મોન ઓછા કે વધુ બનવા લાગે છે. તેનાથી દર્દીના પેટમાં ચુંક આવવી કે અતિસારની સમસ્યા થાય છે. જેનામાં સાઇટોકાઇન ઓછુ બને છે તેનામાં કબજિયાત અને વધુ બને છે તેમાં અતિસારની સમસ્યા થવા લાગે છે. કેટલાક દર્દીઓમાં બંને સમસ્યા થવા લાગે છે. તેને મિક્સ આઇબીએસ કહેવાય છે. વધુ બહાર ખાવુ પણ તેનું એક કારણ હોઇ શકે છે.
ઇલાજ શું હોઇ શકે
તેના ઇલાજ તરીકે દર્દીને ડાયેરિયા, અતિસાર અને કબજિયાતની સાથે દર્દીઓને એન્ટી એન્ગઝાઇટી અને એન્ટીડિપ્રેશનની દવા આપવામાં આવે છે. આ સાથે તેમને બહારનુ ખાવાથી બચવાની અને ડિપ્રેશનમાં ન રહેવાની સલાહ આપવામાં આવે છે. જમવામાં વધુ ફાઇબર જેમકે તાજા ફળ અને શાકભાજી, સાબુત અનાજ અને બીન્સ પર્યાપ્ત માત્રામાં લેવાનુ કહેવાય છે. ફાઇબર ગેસ બનવાની સમસ્યાને રોકે છે. તરલ પદાર્થોનુ સેવન વધુને વધુ કરવું જોઇએ. તેનાથી પાચન યોગ્ય રહે છે અ શરીર પણ ડિટોક્સ થાય છે.
વ્યાયામથી પણ થાય છે લાભ
નિયમિત વ્યાયામથી પેટ અને આંતરડાના મસલ્સને ફાયદો થાય છે. પાચન પણ યોગ્ય રહે છે. યોગ અને વ્યાયામ માટે રોજ લગભગ 45 મિનિટનો સમય આપો. તેનાથી તણાવ અને ચિંતા ઘટે છે. વ્યાયામ અને યોગથી સાઇટોકાઇન હોર્મોનનુ બેલેન્સ પણ યોગ્ય રહે છે. તેનાથી આંતરડાની ગતિ પણ સામાન્ય રહે છે. નિયમિત વ્યાયામ કરવાથી ઇમ્યુનિટિ વધે છે અને તમે સારુ અનુભવી શકો છો.