T20 World Cup 2024 / અમેરિકા પહેલી વખત કરશે વેસ્ટ ઈન્ડિઝ સાથે મળીને T20 વર્લ્ડ કપની યજમાની, બંને ટીમોને મળી ડાયરેક્ટ એન્ટ્રી

• T20 વર્લ્ડ કપ 2024નું શિડ્યૂલ
• આ બંને દેશો કરશે મેજબાની
• બંને ટીમોને મળી ડાયરેક્ટ એન્ટ્રી

ICC T20 વર્લ્ડ કપ 2024નું આયોજન વેસ્ટઈંડીઝ અને અમેરિકામાં કરવામાં આવશે. બંને ટીમોએ હવે મેજબાન હોવાના નાતે ડાયરેક્ટ આ ટૂર્નામેંટ માટે ક્વાલીફાઈ કરી લીધું છે. દુબઈમાં રવિવારે આઈસીસીની થયેલી બેઠકમાં આ નિર્ણય લેવામાં આવ્યો હતો. ટી 20 વર્લ્ડ કપ 2024માં પહેલી વાર કુલ 20 ટીમોએ ભાગ લીધો હતો. આઈસીસીએ તેની જાણકારી આપી હતી. અમેરિકાની ટીમ પહેલી વાર ટી20 વર્લ્ડ કપમાં રમશે.

20માંથી 12 ટીમોને મળશે ડાયરેક્ટ એન્ટ્રી

એક રિપોર્ટ્સમાં જણાવ્યા અનુસાર વેસ્ટઈંડીઝ અને અમેરિકામાં યોજનારા ટી 20 વર્લ્ડ કપ 2024માં 20માંથી 12 ટીમોને ડાયરેક્ટ એન્ટ્રી મળશે. તેમાંથી ઓસ્ટ્રેલિયામાં આ વર્ષે યોજાનારા ટી 20 વર્લ્ડ કપની ટોપ 8 ટીમો ઉપરાંત વેસ્ટઈંડીઝ અને અમેરિકા તરીકે બે મેજબાન દેશ પણ સામેલ છે. બાકી બે અન્ય ટીમોનો આ નિર્ણય આ વર્ષે 14 નવેમ્બર સુધી ટોપ રેકીંગમાં રહેનારી ટીમોના આધાર પર લેવામાં આવશે.

આ રીતે યોજાશે શિડ્યૂલ

વેસ્ટઈંડીઝની ટીમ જો ઓસ્ટ્રેલિયામનાં આ વર્ષે યોજાનારા ટી 20 વર્લ્ડ કપના ટોપ 8માં જગ્યા બનાવામાં સફળ રહે છે તો પછી રેંકીંગના ટોપ 2ની જગ્યા ટોપ 3 ટીમોને વર્લ્ડ કપમાં રમવાનો મોકો મળશે. બાકીની આઠ અન્ય ટીમોનો નિર્ણય રીઝનલ ક્વાલિફાયર્સના આધાર પર કરવામાં આવશે. એશિયા, આફ્રિકા અને યુરોપની ટોપ 2 ટીમો વર્લ્ડ કપમાં રમશે, જ્યારે અમેરિકા અને ઈસ્ટ એશિયા પેસિફિકની એક એક ટીમને તેમાં ભાગ લેવાનો મોકો મળશે.