આઇએસએ સોમવારે સવારે 7.30 વાગ્યે ઢાકામાં ગુલિસ્તાન થિયેટરની નજીક એક નાનો બ્લાસ્ટ કર્યો હતો. એના બીજા જ દિવસે ધમકી આપવામાં આવી છે.
બંગાળમાં ઇસ્લામિક સ્ટેટનું નવું સંગઠન અબુ મુહમ્મદ અલ બંગાળી સક્રિય છે આ આંતકી સંગઠને મંગળવારે ભારત અને બાંગ્લાદેશમાં હુમલાની ધમકી આપી છે. આઇએસના બંગાળી, અંગ્રેજી અને હિંદીમાં જારી પોસ્ટરમાં કહેવામાં આવ્યું છે. 'જો તમે વિચારો છો કે બંગાળ અને હિંદમાં તમે ખિલાફાના સિપાહીઓનો અવાજ બંધ કરી શકો છો તો સાંભળો, અમે ક્યારે ખામોશ નહીં થઇએ, અમારા બદલાની તરસ ક્યારે શાંત થશે નહીં.'
આઇએસએ સોમલારે સવારે 7.30 વાગ્યે બાંગ્લાદેશમાં ગુલિસ્તાન થિયેટરની નજીક એક નાનો બ્લાસ્ટ કર્યો. બ્લાસ્ટમાં કોઇનું મોત થયું નથી. જો કે કેટલાક પોલીસકર્મીઓ જખ્મી થઇ ગયા હતા. એના બીજા જ દિવસે આિએસથી જોડાયેલા આતંકી સંગઠન અબુ મુહમ્મદ અલ બંગાળીએ આ પોસ્ટર જારી કર્યું. આઇએસને ઢાકા હુમલાને લઇને મંગળવારે સવારે મુખપત્ર અમાક દ્વારા નિવેદન આપ્યું હતું. સાથે જ એનું બંગાળી અનુવાદ પણ જારી કર્યું. આ ઉપરાંત બગદાદીના ભાષણની ટ્રાન્સ્ક્રિપિટ પણ જારી કરી.
ભારતીય એજન્સીઓ સમગ્ર ઘટનાક્રમ પર નજર રાખી રહી છે. એમનું માનવું છે કે બાંગ્લાદેશમાં થયેલો નાનો બ્લાસ્ટ ધ્યાન ભટકાવવા માટે હોઇ શકે છે. બની શકે છે એની આડમાં બાંગ્લાદેશ અથવા પશ્વિમ બંગાળમાં મોટા હુમલાની યોજના બનાવવામાં આવી હોય. આઇએસ તરફથી બંગાળી ભાષામાં જારી ધમકી બાદ તમામ એજન્સીઓ સતર્ક થઇ ગઇ છે.