ગુજરાતમાં એક તરફ કોરોના વાયરસનો કહેર જોવા મળી રહ્યો છે, જ્યારે બીજી તરફ રાજ્યમાં ઠંડીનો ચમકારો જોવા મળી રહ્યો છે. ત્યારે રાજ્યના ખેડૂતો માટે કમોસમી વરસાદને લઇને ફરી માઠા સમાચાર સામે આવ્યાં છે. હવામાન વિભાગના જણાવ્યાં અનુસાર 8થી 10 જાન્યુઆરી વચ્ચે રાજ્યમાં માવઠાને લઇને આગાહી જણાવી છે.
રાજ્યમાં ફરી કમોસમી વરસાદની આગાહી
8થી 10 જાન્યુઆરીએ રાજ્યમાં પડશે કમોસમી વરસાદ
દક્ષિણ ગુજરાતમાં કમોસમી વરસાદની આગાહી
રાજ્યમાં ઠંડીના ચમકારા વચ્ચે કમોસમી વરસાદની આગાહી કરવામાં આવી છે. 8 થી 10 જાન્યુઆરી વચ્ચે રાજ્યમાં કમોસમી વરસાદ પડશે. હવામાન વિભાગ દ્વારા દક્ષિણ ગુજરાતમાં વરસાદની શક્યતા છે.
હવામાન વિભાગ દ્વારા આગામી 8થી 10 જાન્યુઆરી વચ્ચે રાજ્યમાં કમોસમી વરસાદને લઇને આગાહી આપવામાં આી છે. 8 જાન્યુઆરીથી ડાંગ, તાપી, નર્મદા, દાહોદમાં જ્યારે 9 જાન્યુઆરીના રોજ દાહોદ, ભરુચ અને છોટા ઉદેપુરમાં વરસાદની આશંકા વ્યકત કરવામાં આવી છે.
ઉલ્લેખનીય છે કે ગઇકાલે દેશની રાજધાની દિલ્હીમાં હવામાન પલટાયું હતું. જેને લઇને દિલ્હીના અનેક વિસ્તારોમાં કમોસમી વરસાદની સાથે કરા પડ્યા હતા. જ્યારે જમ્મૂ-કાશ્મીરમાં ભારે બરફવર્ષાનું અલર્ટ આપવામાં આવ્યું હતું.
ગુજરાતમાં 3 અને 4 જાન્યુઆરીની આસપાસ કેટલાંક સ્થળોમાં કમોસમી વરસાદ પડ્યો હતો. જેમાં 4 જાન્યુઆરીના રોજ તાપી, નવસારીના કેટલાંક વિસ્તારોમાં કમોસમી વરસાદ પડ્યો હતો, જેને લઇને ખેડૂતોની ચિંતામાં વધારો જોવા મળ્યો હતો. આ અગાઉ હવામાન વિભાગ દ્વારા 2 અને 3 જાન્યુઆરીના રોજ રાજ્યમાં કમોસમી વરસાદની આગાહી આપવામાં આવી હતી. જેમાં ઉત્તર ગુજરાતના કેટલાક વિસ્તારમાં વરસાદની આગાહી આપવામાં આવી હતી.