મોટી રાહત / મરજી હોય તો જ માસ્ક પહેરવાનું: મહારાષ્ટ્ર બાદ વધુ એક રાજ્યમાં હટાવાયા કોરોના નિયમો

• સમગ્ર દેશમાં ઘટી રહ્યા છે કોરોનાના કેસો
• મહારાષ્ટ્ર બાદ હવે તેલંગણામાં જ રાહત
• માસ્કનો નિયમ હટાવ્યો, પ્રતિબંધોમાં રાહત

દેશભરમાં છેલ્લા કેટલાક દિવસોમાં કોરોનાના કેસોમાં ભારે ઘટાડો દેખાઈ રહ્યો છે. પરિણામસ્વરૂપ તેલંગણા સરકારે આજે તમામ કોવિડ પ્રતિબંધો હટાવાનો નિર્ણય લીધો છે. સાથે જ ફેસ માસ્કના ફરજિયાત નિયમને પણ હટાવ્યો છે. હવે તે સ્વૈચ્છિક નિર્ણય થઈ ગયો છે, માસ્ક પહેરવું હોય તો પહેરવાનું. જો કે, વૃદ્ધો, ગર્ભવતી, મહિલાઓને કોવિડ નિયમોનું પાલન કરવા માટે ધ્યાન રાખવાનું કહેવામાં આવ્યું છે.  

50થી પણ ઓછા કેસો 

સાર્વજનિક સ્વાસ્થ્ય રાજ્ય ડાયરેક્ટર જી શ્રીનિવાસ રાવે કહ્યું કે, તેલંગણામાં કોરોનાની સ્થિતિ સમગ્રપણે નિયંત્રણમાં છે, જેમાં દરરોજ 50થી ઓછા કેસો સામે આવ્યા છે. અધિકારીઓએ કહ્યું કે, 18 વર્ષ અને તેનાથી વધારે ઉંમરના લાભાર્થીઓને રસીના બંને ડોઝ આપવામાં આવ્યા છે. અધિકારીઓએ કહ્યું કે, તેલંગણાના લગભગ દશ જિલ્લામાં આજે ઝીરો કેસ આવ્યા છે. જ્યારે તેર જિલ્લામાં દશથી ઓછા કેસ નોંધાયા છે. 

બે વર્ષ બાદ મળી રાહત

તેલંગણા સરકારનું કોરોના વાયરસથી સંબંધિત પ્રતિબંધો હટાવાનો નિર્ણય મહારાષ્ટ્ર અને પશ્ચિમ બંગાળ દ્વારા ગુરૂવારે જાહેર કરવાામં આવ્યા જાહેરાતના એક દિવસ બાદ આવ્યો છે. માર્ચ 2022માં મહામારીની ચપેટમાં આવ્યાના લગભગ બે વર્ષ બાદ કોવિડ પ્રતિબંધો હટાવામાં આવ્યા છે. દેશભરમાં કોરોનાના ઘટતા કેસોના કારણે આજે ફરી વાર લોકોની જીંદગી પાટા પર આવી રહી છે.