G20 / VIDEO : ચીનના રાષ્ટ્રપતિએ કેનેડાના PM સાથે કરી તોછડાઈથી વાત, તોય હસતાં રહ્યાં ટ્રુડો, જાણો શું બન્યું

• બાલીમાં G20માં સંમેલનમાં સામસામા ભેગા થયા જિનપિંગ અને ટ્રુડો
• જિનપિંગ કેનેડાના પીએમ ટ્રુડો સાથે તોછડાઈથી વાત કરી 
• ચર્ચાનો મુદ્દો મીડિયામાં લીક થવાના મુદ્દે નારાજ થયા જિનપિંગ
• ટ્રુડોએ કહ્યું, કેનેડામાં અમે અભિવ્યક્તિની આઝાદીમાં માનીએ છીએ

બાલીમાં જી20 શિખર સંમેલનમાં ચીનના રાષ્ટ્રપતિ જિનપિંગ કેનેડાના PM પીએમ જસ્ટીન ટ્રુડોને અચાનક ભટકાઈ ગયા હતા અને તેઓ કેનેડાના પીએમ પર નારાજ હોવાનું લાગતું હતું અને તેમની આ નારાજગી શબ્દો બનીને બહાર આવી હતી અને તેમણે ટ્રુડો સાથે તોછડાઈથી વાત કરી હતી. જિનપિંગે પોતાની સામે ઊભેલા જસ્ટિન ટ્રુડોને ટ્રાન્સલેટરની સહાયથી કહ્યું કે આપણે જે કંઈ ચર્ચા કરી તે બધું જ પેપરોમાં લીક થઈ ગયું છે, તે યોગ્ય નથી. અને વાતચીત કરવાનો આવો હેતુ નહોતો. 
જિનપિંગની વાત સાંભળ્યા બાદ શાંતિથી જવાબ આપતા ટ્રુડોએ કહ્યું કે કેનેડામાં, અમે મુક્ત, ખુલ્લા અને નિખાલસ સંવાદમાં માનીએ છીએ અને તે જ અમે ચાલુ રાખીશું. અમે સાથે મળીને રચનાત્મક રીતે કામ કરવાનું ચાલુ રાખીશું, પરંતુ એવી બાબતો હોઈ શકે જેની પર આપણે અસંમત હોઈ શકીએ છીએ. ટ્રુડોના જવાબ બાદ જિનપિંગ થોડા શાંત પડ્યા અને તેમની ટ્રુડો સાથે હાથ મિલાવીને હસતાં હસતાં આગળ વધી ગયા હતા. 

The Cdn Pool cam captured a tough talk between Chinese President Xi & PM Trudeau at the G20 today. In it, Xi express his displeasure that everything discussed yesterday “has been leaked to the paper(s), that’s not appropriate… & that’s not the way the conversation was conducted” pic.twitter.com/Hres3vwf4Q

— Annie Bergeron-Oliver (@AnnieClaireBO) November 16, 2022

મંગળવારે ટ્રુડો અને જિનપિંગ વચ્ચે વાત થઈ હતી 
ટ્રુડોએ મંગળવારે જિનપિંગ સાથે વાત કરી હતી, અને તેમની ઓફિસે કહ્યું હતું કે તેમણે કેનેડાની ચૂંટણીમાં ચીનના હસ્તક્ષેપ અંગે ચિંતા વ્યક્ત કરી હતી. એક સરકારી સૂત્રને ટાંકીને આવેલા અહેવાલો અનુસાર, તેમણે યુક્રેન, ઉત્તર કોરિયામાં યુદ્ધ અને તેમની દસ મિનિટની વાતચીતમાં જળવાયુ પરિવર્તનના મુદ્દાને પણ ઉઠાવ્યો હતો. 

ચીન યુક્રેન યુદ્ધ અટકાવવા મધ્યસ્થી ભજવે- ફ્રાન્સ 
ટ્રુડો સાથેની સાથેની વાતચીતને કારણે જિનપિંગને બ્રિટનના પીએમ  ઋષિ સુનક સાથેની નિર્ધારીત બેઠક પણ રદ કરવી પડી હતી. ફ્રાન્સના રાષ્ટ્રપતિ ઇમેન્યુઅલ મેક્રોને ચીનને વિનંતી કરી હતી કે જિનપિંગ સાથેની વાટાઘાટોના એક દિવસ પછી, યુક્રેન યુદ્ધનો અંત આણવામાં મદદ કરવામાં તેમણે મોટી મધ્યસ્થતાની ભૂમિકા ભજવવી જોઈએ.