વાનખેડે સ્ટેડિયમમાં ગુરુવારે હાર્દિર પંડ્યાના નામનું તોફાન આવ્યું. ચેન્નાઇ વિરુદ્ધ પહેલી બેટિંગથી આ ખેલાડીએ ધમાલ મચાવી, બાદમાં બોલિંગ પણ જોરદાર કરી. પંડ્યાની આ ધમાલ સામે કોઇ બોલર કે બેટ્સમેન ટકી શક્યું નહીં.
આ ખેલાડીએ મુંબઇની ઇનિંન્ગની છેલ્લી ઓવરમાં ફાસ્ટ રન કરતાં માત્ર 8 બોલમાં જોરદાર 25 રન કરી દીધા, પોતાની આ નાની પરંતુ વિસ્ફોટક ઇનિંન્ગમાં એને 3 છગ્ગા અને એક ચોગ્ગો માર્યો. 20મી ઓવરના છેલ્લા 3 બોલ પર ડ્વેન બ્રાવો જેવા ચતુર બોલર પોતાને અસહજ મહેસૂસ કરવા લાગ્યો.
આટલું જ નહીં એને આ મેચમાં હેલિકૉપ્ટર શૉટ પર એક એવો છગ્ગો માર્યો કે એમએસ ધઓની પોતે આ શૉટ જોતો રહી ગયો. જ્યારે છઠ્ઠા ક્રમ પર આ ખેલાડી બેટિંગ કરવા ઊતર્યો તો મુંબઇની સ્થિતિ નબળી હતી. 16.4 ઓવર્સમાં આ ટીમ માત્ર 112 રન પર પોતાની ચાર વિકેટ ગુમાવી ચુકી હતી.
પરંતુ ક્રિઝ પર ઉતરતા જ હાર્દિકે પોતાના ઉરાદા સ્પષ્ટ કરી દીધા. પોતાના ત્રીજા જ બોલ પર શાર્દુલ ઠાકુરને લેગ સાઇડ પર છગ્ગા માટે મોકલ્યો. પરંતુ હજુ અસલ ખેલ બાકી હતો.
અમે જે હેલિકૉપ્ટર શૉટની વાત કરવા જઇ રહ્યા છે, એ છેલ્લી ઓવરમાં થયો. આ ઓવર લઇને આવ્યો હતો ડ્વેન બ્રાવો. એને ચોથો બોલ યૉર્કર નાંખ્યો. પંડ્યાએ આ બોલ પર હેલિકૉપ્ટર શૉટ માર્યો. મહેન્દ્ર સિંહ ધોની આ દરમિયાન વિકેટ પાછળ ઊભો રહીને જોતો રહ્યો.
મેચ બાદ પંડ્યાએ કહ્યું, 'ધોનીની સામે હેલિકૉપ્ટર શૉટ મારવો ખાસ હતો, મને લાગ્યું કે એ આવીને મને શુભેચ્છા પાઠવશે પણ એવું થયું નહીં.' પરંતુ એ દરમિયાન પોતે જ જોશમાં આવીને પોતાની સ્પેશિયલ સ્ટાઇલમાં શૉટને સેલિબ્રેટ પણ કર્યો.