ચેતવણી / VIDEO : પેલી બાજુ જવા ઊભેલી ટ્રેન નીચે ઘુસ્યો યુવાન, એટલીવારમાં ગાડી થઈ સ્ટાર્ટ, કાળજું કંપાવતો વીડિયો

• બિહારના ભાગલપુરની ચોંકાવનારી ઘટના
• ઊભેલી ટ્રેન નીચેથી ક્રોસ કરવા ગયો યુવાન
• એટલામાં ગાડી ઉપડી, માંડ માંડ જીવ બચ્યો

માણસ ક્યારેક અતિ ઉતાવળમાં જોખમ ખેડી નાખતો હોય છે પરંતુ સદનસીબે તે બચી જતો હોય છે. બિહારમાં આવી જ એક ઘટના બની છે જેનો એક વીડિયો વાયરલ થયો છે. રેલવે સ્ટેશનો પર એક પ્લેટફોર્મથી બીજા પ્લેટફોર્મ પર જવા માટે ફૂટ ઓવર બ્રિજ બનાવાયેલા જ છે તેમ છતાં પણ લોકો ઝડપી પહોંચી જવા જોખમી હાલતમાં પાટો ક્રોસ કરતા હોય છે. બિહારના એક યુવાન સાથે આવી જ ઘટના બની હતી. 

બિહારથી એક હેર-રેઇઝિંગ વીડિયો સામે આવ્યો 
બિહારથી એક હેર-રેઇઝિંગ વીડિયો સામે આવ્યો છે, જેમાં એક વ્યક્તિ ચાલતી ટ્રેન નીચે પડેલો જોવા મળી રહ્યો છે, પોતાને બચાવવાનો પ્રયાસ કરી રહ્યો છે. આ ઘટના ભાગલપુરમાં બની હતી અને તે વ્યક્તિ ટ્રેનની નીચેથી એક બીજા પ્લેટફોર્મ પર જવાનો પ્રયાસ કરી રહ્યો હતો. પરંતુ તે આગળ વધવા લાગ્યો અને તે તેની નીચે ફસાઈ ગયો. સદભાગ્યે, તે ઘાયલ થયા વિના બચી ગયો હતો. 

શરીર પર આખી માલગાડી પસાર થઈ 
વીડિયો શરૂ થતાં જ એક વ્યક્તિ પાટા પર સૂતો જોવા મળી રહ્યો છે અને તેની ઉપરથી એક માલગાડી પસાર થઈ રહી છે. આસપાસ એકઠા થયેલા લોકો બૂમો પાડી રહ્યા છે અને યુવાનને ઊભો ન થવાની અને પાટા પર સુઈ જવાની ચેતવણી આપી રહ્યાં છે. યુવાને પણ પોતાની ભૂલ સમજાણી હતી પરંતુ ત્યાં સુધીમાં મોડું થયું હતું અને આખી ટ્રેન તેની પરથી પસાર થવા છતાં પણ તેનો વાળ વાંકો થયો નહોતો. 
સ્થાનિક લોકોના જણાવ્યા અનુસાર, તે એક પ્લેટફોર્મથી બીજા પ્લેટફોર્મ પર જવાનો પ્રયાસ કરી રહ્યો હતો, પરંતુ ફૂટ ઓવર બ્રિજ પરથી પસાર થવાને બદલે, તેણે "શોર્ટકટ" લેવાનું નક્કી કર્યું અને ટ્રેનની નીચે જવાનું પસંદ કર્યું. અંદર જતા જ ટ્રેન ચાલવા લાગી અને તે ટ્રેક પર ફસાઈ ગયો.

સોશિયલ મીડિયા યુઝર્સ ચોંક્યાં 
આ ક્લિપ જોયા પછી સોશિયલ મીડિયા યુઝર્સ ચોંકી પણ ગયા છે અને ભારે ગુસ્સે ભરાયા હતા. લોકો આ માણસને ઠપકો પણ આપવા લાગ્યાં હતા. એક ટ્વિટર યુઝરે જણાવ્યું હતું કે, "આ વ્યક્તિની ધરપકડ થવી જોઈએ અને તેને કડક સજા થવી જોઈએ જેથી લોકો રેલવેના નિયમોનું પાલન કરે." "શું તેને દંડ કરવામાં આવ્યો હતો?" બીજાએ પૂછ્યું.