અવકાશમાંથી ભયંકર સૌર તોફાન આજે પૃથ્વી સાથે ટકરાઈ શકે છે. જેના કારણે પૃથ્વી પર ઈલેક્ટ્રીસીટી તેમજ મોબાઈલ સેવાને ભારે અસર પડી શકે છે. સાથેજ આ તોફાનની અસર પૃથ્વી પર 6 થી 8 કલાક રહેશે.
અવકાશમાં સર્જાયેલા ભયંકર તોફાનનો કરવો પડશે સામનો
પૃથ્વી પર વીજળી, મોબાઈલ અને ઈન્ટરનેટ સેવાને પડશે અસર
અવકાશમાં ઉપગ્રહોને પણ થઈ શકે છે નુકશાન
અમેરિકાના વૈજ્ઞાનિકોએ લોકોને ચેતવણી આપતા એવી માહિતી આપી છે, કે અવકાશમાં ભયંકર તોફાન સર્જાયું છે જે ધીરે ધીરે પૃથ્વી તરફ આવી રહ્યુ છે. થોડાકજ સમયમાં આ તોફાન પૃથ્વી પર આવશે. જેના કારણે આખા વિશ્વની વિજળી પર તેની અસર પડી શકે છે. સાથેજ મોબાઈલ સિગ્નલ અને જીપીએસ ઉપર પણ ગંભીર અસર પડી શકે છે.
પૃથ્વી પર ઘણા બધી જગ્યાએ પડશે વીજળી
વૈજ્ઞાનિકોનું કહેવું છે કે અવકાશથી આવનારી નોર્દન લાઈટ્સને અમેરિકા અને UKમાં જોઈ શકાશે. અમેરીકન નેશનલ ઓશનિક એન્ડ એટમોસ્ફેરિક એડમિનિસ્ટ્રેશન દ્વારા અગાઉથી અલર્ટ જાહેર કરી દેવામાં આવ્યું છે. જીઓ મેગ્નેટિક સ્ટ્રોમને કારણે પૃથ્વીના ઘણા બધા ભાગો પર વિજળી પણ પડી શકે છે.
ઉપગ્રહોને પણ ભારે નુકશાન
ઘણી બધી જગ્યાએ ચુંબકીય બળ વધારે થઈ જશે જેના કારણે વિજળીને ભારે નુકશાન થઈ શકે છે. આ તોફાન 11 ઓક્ટોબર દેખાવાનું શરૂ થયું છે. જોકે 13 ઓક્ટોબરથી તેની અસર પણ જોવા મળશે. જોકે US સ્પેસ વેધર પ્રિડિક્શન સેન્ટર દ્વારા કહેવામાં આવ્યું છે કે આ તોફાન G2 શ્રેણીનું છે જેના કારણે ઘણા ઉપગ્રહોને પણ નુકશાન પહોચી શકે છે.
6 થી 12 કલાક રહેશે અતી ભયંકર
પૃથ્વી પરની ચુંબકીય સપાટીને આપણા ચુંબકીય ક્ષેત્ર દ્વારા બનાવામાં આવી છે. જેથી સૂર્યમાંથી નીકળતી કિરણો આપણાને રક્ષણ આપે છે. પણ જ્યારે હાઈ સ્પીડમાં કિરણો પૃથ્વી પર ટકરાશે ત્યારે ચુંબકીય ક્ષેત્ર ખુલશે અને સૌર પવનના કણો ધ્રુવો સુધી જશે જેના કારણે પૃથ્વી પર ચુંબકીય તોફાન ઉઠશે. આ તોફાનની અસર લગભગ 6 થી 12 કલાક સુધી રહેશે. જોકે બાદમાં ધીરે ધીરે બધું સામાન્ય થઈ જશે.