ચિંતાજનક / અહીંથી હજ્જારો ફેક કોરોના વેક્સિન ઝડપાતા ખળભળાટ, ઇન્ટરપોલે આપી ચેતવણી

• જોહાંસબર્ગમાં મળે કોરોનાની રસીની 400 શીશીઓ
• ઓનલાઈન રસીની ઓફર આપી રહ્યા છે માફિયા
• ચીનમાં રેડ દરમિયાન 3 હજાર નકલી રસી મળી

ગ્લોબલ પોલીસ સંગઠન  (Interpol)એ બુધવારે કહ્યું કે ચીન અને દક્ષિણ આફ્રીકાની પોલીસે કોરોનાની રસીના હજારો નકલી ડોઝ જપ્ત કર્યા છે. ઈન્ટરપોલે ચેતવણી એ હતી કે એક કોઈ મોટા રેકેટનો એક નાનકડો હિસ્સો હોઈ શકે છે.

જોહાંસબર્ગમાં મળે કોરોનાની રસીની 400 શીશીઓ

ઈન્ટરપોલે કહ્યું કે દક્ષિણ આફ્રીકામાં જોહાંસબર્ગના બહારના વિસ્તારોમાં બનેલા ગોડાઉનમાં નકલી કોરોનાની રસીની 400 શીશીઓ મળી છે. આ શીશીઓથી 2400 લોકોને રસી લગાવી શકાય છે. સ્થળ પરથી મોટા જથ્થામાં નકલી માસ્ક પણ મળી આવ્યા છે. આ દરમિયાન ચીનના 3 અને જામ્બિયાના એક વ્યક્તિની ધરપકડ કરવામાં આવી છે.

ઈન્ટરપોલ બન્ને દેશોમાં ઉજાગર થયેલા મામલાની તપાસને સપોર્ટ કર્યો 

ઈન્ટરપોલમાં મહાસચિવ જુએરગેન સ્ટોકે કહ્યું કે આ રેડનું અમે સ્વાગત કરીએ છીએ. પરંતું અમને લાગે છે કે આ કોઈ મોટા રેકેટનો સાવ નાનકડો ભાગ છે. ચીનમાં પણ પોલીસ નકલી રસી વેચનાર ગેંગની શોધ કરી રહી છે. ઈન્ટરપોલ બન્ને દેશોમાં ઉજાગર થયેલા મામલાની તપાસને સપોર્ટ કર્યો છે.

ચીનમાં રેડ દરમિયાન 3 હજાર નકલી રસી મળી

ઈન્ટરપોલના જણાવ્યાનુંસાર ચીનમાં પોલીસે નકલી કોરોનાની રસી બનાવી રહેલી મેન્યૂફેક્ચરિંગ યુનિટમાં રેડ મારી. આ દરમિયાન 80 શંકાસ્પદોની ધરપકડ કરવામાં આવી અને 3 હજાર નકલી રસી મળી. ઈન્ટરપોલે કહ્યું કે તેમને માહિતી મળી છે . નકલી રસી બનાવવનારી ગેંગે પોતાની ડિસ્ટ્રીબ્યૂશન સિસ્ટમ પણ તૈયાર કરી છે. અનેક પ્રાઈવેટ નર્સિંગ હોમ- હોસ્પિટલ પણ આમાં સામિલ છે.

ઓનલાઈન રસીની ઓફર આપી રહ્યા છે માફિયા

જૂએરગેન સ્કોટે કહ્યું કે હજું કોઈ માન્યતા પ્રાપ્ત રસી ઓનલાઈન વેચાણ માટે નથી મુકાઈ. તેવામાં જો કોઈ સંસ્થા ઓનલાઈન રસી આપવાની ઓફર આપે છે તો સમજી જજો કે તે ફેક છે. તમારા સ્વાસ્થ્યને સંકટ છે.