સેકશન 234A અને અંડર સેકશન 234Fને અંડર તમારે લેટ ફી સાથે ટેક્સ પર વ્યાજ પણ ચૂકવવો પડશે
આપેલ તારીખ પહેલા જ ITR ફાઈલ કરી દેશો તો ટેક્સ વિભાગ તમને જલ્દી જ રીફંડ મળી જશે
નાણકીય વર્ષ 2021-22 અને એસેસમેન્ટ વર્ષ 2022-23 માટે ઇન્કમ ટેક્સ રિટર્ન ભરવાની શરૂઆત 15 જૂન 2022 થી થઈ ચૂકી છે. જો તમને તમારા ઓફિસથી ફોર્મ-16 મળી ગયું છે તો ફટાફટ ઇન્કમ ટેક્સ રિટર્ન ફાઇલ કરી દો કારણકે હવે ધીરે ધીરે ઇન્કમ ટેક્સ રિટર્નની ઇ-ફાઈલિંગની વેબસાઇટ પર ટેક્સપેયર દ્વારા વધુ રિટર્ન ફાઇલ કરવામાં આવશે અને સાઇટ પર લોડ વધતો જશે. ઇન્કમ ટેક્સ ફાઈલિંગ કરવામાં આવતી પરેશાનીથી બચવા માટે છેલ્લી તારીખની રાહ જોયા વીના ફટાફટ ઇન્કમ ટેક્સ રિટર્ન (ITR)ફાઇલ કરી દો.
31 જુલાઇ પહેલા જ ભરી દો ઇન્કમ ટેક્સ રિટર્ન
નાણકીય વર્ષ 2021-22 અને એસેસમેન્ટ વર્ષ 2022-23 માટે ઇન્કમ ટેક્સ રિટર્ન કોઇ પણ લેટ ફીના ચાર્જ વીના ભરવા હોય તો તેની છેલ્લી તારીખ છે 31 જુલાઇ 2022. જો આ તારીખ પછી તમે ઇન્કમ ટેક્સ રિટર્ન ફાઇલ કરી તો ઇન્કમ ટેક્સના સેકશન 234A અને અંડર સેકશન 234Fને અંડર તમારે લેટ ફી સાથે ટેક્સ પર વ્યાજ પણ ચૂકવવો પડશે.
ITR ભરવાની તારીખ
કોઇ પણ વ્યક્તિ કે HUF માટે ઇન્કમ ટેક્સ રિટર્ન ભરવાની છેલ્લી તારીખ 31 જુલાઇ 2022 છે પણ કોઇ પણ ધંધા કે બીઝનેસ જેને ઓડીટની જરૂર પડે છે તેની માટેની છેલ્લી તારીખ 31 ઓક્ટોબર 2022 છે. અ સાથે જ જે બિઝનેસમાં ટીપી રીપોર્ટની જરૂર પડે છે એમની માટે ઇન્કમ ટેક્સ રિટર્ન ભરવાની છેલ્લી તારીખ 30 નવેમ્બર 2022 છે.
જો તમે 31 જુલાઇ 2022 પછી અને 31 ડિસેમ્બર 2022 પહેલા ઇન્કમ ટેક્સ રિટર્નની ફાઈલ દાખલ કરી તો તમારે 5,000 રૂપિયા પેનલ્ટી ભરવી પડે છે પણ જો તમારી વાર્ષિક આવક 5 લાખ કરતા ઓછી છે તો તમારે 1000 રૂપિયાની પેનલ્ટી ભરવી પડશે.
જલ્દી રીફંડ માટે જલ્દી ભરો ITR
જો તમે આપેલ તારીખ પહેલા જ ITR ફાઈલ કરી દેશો તો ટેક્સ વિભાગ તમને જલ્દી જ રીફંડ આપી દેશે. પણ જેમ જેમ તારીખ પૂર્ણ થવાનો સમય નજીક આવશે અને રીટર્ન ફાઈલ કરવામાં લોકોની ભીડ વધવાને કરને પરેશાની આવશે એમ તમને રીફંડ મળવામાં પણ મોડું થઇ શકે છે.