બિઝનેસ / વોલમાર્ટ આ ભારતીય કંપનીનો જંગી 73,000 કરોડ રૂપિયાનો IPO બહાર પાડે તેવી સંભાવના: જાણો વિગતો

આ માટેની ફાઈનાન્શ્યલ ગણતરીઓ કરવા માટે તેણે ગોલ્ડમેન સાક્સ કંપનીને હાયર કરી છે તેવું જાણવા મળ્યું છે. આ IPO વોલમાર્ટના 25% હિસ્સાને પબ્લિક કરી દેશે. તેનું મૂલ્યાંકન 10 અબજ ડોલર એટલે કે 73,000 કરોડ રૂપિયા જેટલું રાખવાનું નક્કી કરવામાં આવ્યું છે. 

એક સૂત્રના જણાવ્યા અનુસાર ઘણા સમયથી વોલમાર્ટ આ વિચારણા કરી રહ્યું હતું અને હવે કોરોનાને કારણે ઈ કોમર્સ પ્લેટફોર્મની માંગમાં વધારો થતા અત્યારે આ યોજના અમલમાં મુકવામાં આવે તેવી સંભાવના છે. નોંધનીય છે કે દેશમાં કોરોના સંક્રમણને કારણે લોકો ઘરે વધુ રહેતા હોવાથી ઓનલાઈન ખરીદીનું પ્રમાણ વધ્યું છે. 

ફ્લિપકાર્ટ બેંગ્લોર બેઝ કંપની છે જેના ભારતમાં બે ગળાકાપ સ્પર્ધકો 1. એમેઝોન ઇન્ડિયા અને 2. રિલાયન્સ જીઓ માર્ટ છે. જો આ IPO સફળ થશે તો કંપનીનું વેલ્યુએશન 40 અબજ જેટલું થઇ જશે જે વોલમાર્ટના ખરીદી સમય કરતા બે ગણું હશે. 2018માં 16 અબજ ડોલરમાં વોલમાર્ટે ફ્લિપકાર્ટનો 77% હિસ્સો ખરીદી લીધો હતો. 

વોલમાર્ટ ઉપરાંત અમેરિકાની ટાઈગર મેનેજમેન્ટ, ચીનની ટેન્સન્ટ, માઈક્રોસોફ્ટ કોર્પ, એસ્સેલ પાર્ટનર્સ જેવી કંપનીઓ ફ્લિપકાર્ટમાં રોકાણ ધરાવે છે. નોંધનીય છે કે ફ્લિપકાર્ટનું પેમેન્ટ યુનિટ ફોન પે છે જે પણ 2023માં IPO લોન્ચ કરવાની યોજના ધરાવે છે. ફ્લિપકાર્ટની શરૂઆત 2007માં થઇ હતી.