મધ્યપ્રદેશમાં થયેલા વ્યાપમ કૌભાંડનો મુખ્ય આરોપી જગદીશ સાગરની ડાયરીએ શિવરાજ સરકારની મુશ્કેલી વધારી છે. સાગરની ડાયરીમાંથી સામે આવ્યું છે કે વ્યાપમ જ નહીં પરુતુ મધ્યપ્રદેશ લોકસેવા આયોગે રાજ્યસેવાના અધિકારી બનાવવામાટે પણ સોદા કર્યા હતા.
સાગરે 6 પદ માટે 95 લાખનો ભાવ નક્કી કર્યો હતો. આ ડાયરીમાં મામાજી અને વીઆઈપી જેવા શબ્દોનો ઉપયોગ કર્યો હતો. જેના કારણે કોંગ્રેસે એમ.પી-પીએસસીની પરીક્ષાની તપાસ કરાવવા માગ કરી હતી. પ્રદેશ કોંગ્રેસ અધ્યક્ષ કમલનાથે આ મામલે નિવેદન આપતા કહ્યું કે એમ.પી-પીએસસીના ફર્જિવાડો 5 વર્ષ પહેલા સામે આવ્યો હતો.
ઉલ્લેખનીય છે કે હવે મુખ્ય આરોપીની ડાયરીમાં જે તથ્યો સામે આવ્યા છે તેમાં બધુ સ્પષ્ટ થાય છે. પ્રદેશની જનતા મામા કોને કહે છે તે બધા જાણે છે. આ ડાયરી પરથી સ્પષ્ટ થાય છે કે શિવરાજ સરકાર આ કૌભાંડમાં સામેલ છે. આ સમગ્ર મામલે સીબીઆઈ તપાસની કોંગ્રેસે માગ કરી છે. આ મામલે પાંચ વર્ષ પહેલા ફરિયાદ નોંધાઈ હતી.