રાજ્યના ચૂંટણી પંચ દ્વારા આજે રાજ્યની 8 ખાલી પડેલી વિધાનસભાની બેઠકોની આગામી 3 નવેમ્બરમાં પેટા ચૂંટણી કરવાનું બ્યુગલ ફૂંકી દેવામાં આવ્યું છે. આજથી આદર્શ આચારસહિંતા અમલી બની છે. ત્યારે હવે પેટાચૂંટણીની જાહેરાત થતા ઉમેદવારોની પંસદગીની કામગીરી શરૂ કરી દેવામાં આવી છે. તેવામાં ઉમેદવારોની પસંદગીને લઇ ભાજપમાં કામગીરી પૂર્ણતાને આરે છે. ત્યારે કોંગ્રેસે પણ પોતાના ઉમેદવારો લગભગ નક્કી કરી નાખ્યા છે. ત્યારે જાણો ભાજપ અને કોંગ્રેસ પેટાચૂંટણીના મેદાનમાં કોને ઉતારી શકે છે.
ભાજપ અને કોંગ્રેસે નક્કી કરી લીધા ઉમેદવાર!
સંભવિત ઉમેદવારના નામ આવ્યા સામે
8 બેઠકો પર 3 નવેમ્બરે પેટાચૂંટણી
ગુજરાતમાં 3 નવેમ્બરે યોજાશે 8 બેઠકોની પેટાચૂંટણી યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. 19 ઓક્ટોબર ફોર્મ ખેચવાની છેલ્લી તારીખ છે. 3 નવેમ્બરે 8 બેઠકો માટે મતદાન યોજાશે. 10 તારીખે જાહેર થશે 8 બેઠકોનું પરિણામ જાહેર થશે. રાજ્યમાં અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર પેટાચૂંટણી યોજાશે. ત્યારે રાજ્યની આ 8 બેઠકોની પેટાચૂંટણી માટે સંભવિત ઉમેદવારના નામ સામે આવી રહ્યા છે.
ભાજપના સંભવિત ઉમેદવારોની યાદી
ભાજપે ઉમેદવારોની પસંદગી કરી લીધી હોવાનું ચર્ચાઇ રહ્યું છે. જેમાં 8 માંથી 5 બેઠકો પર કોંગ્રેસમાંથી ભાજપમાં આવેલા પૂર્વ MLA ઉતારશે તેવી શક્યતાઓ સેવાઇ રહી છે. ભાજપ કરજણ બેઠક પરથી અક્ષય પટેલ, કપરાડાથી જીતુ ચૌધરી, ધારી બેઠક પરથી કોંગ્રેસમાંથી આવેલા જે.વી.કાકડિયા, અબડાસા બેઠક પરથી પ્રદ્યુમનસિંહ જાડેજા અને મોરબી બેઠક પરથી બ્રિજેશ મેરજાની ટિકીટ નક્કી હોવાનું મનાઇ રહ્યું છે.
જ્યારે ગઢડા બેઠક પર આત્મરામ પરમારને ભાજપ ફરીથી ટિકિટ આપે તેવી શક્યતાઓ છે. લીંબડી બેઠક પર કિરીટસિંહ રાણાનું નામ મોખરે છે. તો ડાંગ બેઠક પર ભાજપ ઉમેદવારને લઇ અવઢવમાં છે.
મંગળ ગાવીત હજુ સુધી ભાજપમાં જોડાયા નથી
કોંગ્રેસમાંથી રાજીનામું આપનાર ડાંગના પૂર્વ ધારાસભ્ય મંગળ ગાવિત હજુ સુધી ભાજપમાં જોડાયા નથી. પરંતુ તેમના ભાજપમાં જોડાવાના પ્રયાસ શરૂ કરાયા છે. મંગળ ગાવીતનું સ્ટેન્ડ ક્લીયર થયા બાદ નિર્ણય લેવાશે. સૂત્રો દ્વારા મળતી માહિતી અનુસાર, જો મંગળ ગાવીત અપક્ષ ઉમેદવારી કરે તો ભાજપ સમર્થન કરશે.
કોંગ્રેસમા આજે પેટાચૂંટણીના ઉમેદવારની પેનલ તેયાર થશે. જેમાં VTV પાસે કોંગ્રેસના કયા ક્યાં ઉમેદવાર ચર્ચામાં છે. તેની એક્સક્લૂઝીવ પેનલ વિશેની માહિતી છે.
ધારી બગસરા વિધાનસભા બેઠક
કોંગ્રેસના ઉમેદવારમા સુરેશ કોટડીયા
પ્રદીપ કોટડિયા
જેનીબેન વિરજીભાઈ ઠુંમર
મોરબી વિધાનસભા બેઠક
જયંતિભાઈ જ્યરાજ પટેલ
કિશોર ચીખલીયા
મનોજ પનારા
આમાં જયંતિભાઈ પટેલ ચેમ્બર ઓફ કોમર્સ ના પ્રમુખ છે અને કિશોર ચીખલીયા જિલ્લા પંચાયત પ્રમુખ છે.
લીંબડી વિધાનસભા બેઠક
કલ્પનાબેન ધોલીયા
ચેતનભાઈ ખાચર
ભગીરથસિંહ રાણા
જેમા કલ્પના બેન જિલ્લા પંચાયત પ્રમુખ છે અને ખાચર જિલ્લા પંચાયત ના પૂર્વ પ્રમુખ છે.
ગઢડા વિધાનસભા બેઠક
મોહનભાઈ સોલંકી
મુકેશભાઈ શ્રીમાલી
જગદીશ ચાવડા
વશરામ સાગઠીયા
આમાં મોહનભાઈ સોલંકી બિલ્ડર અને કોંગ્રેસના આગેવાન છે, મુકેશ શ્રીમાલી મહારાષ્ટ્ર ભાજપમાંથી કોંગ્રેસમાં આવ્યાં છે અને સક્રિય કાર્યકર છે.
અબડાસા વિધાનસભા બેઠક
અબડાસામાં એક જ નામ મોખરે કોંગ્રેસમાં વીસનજી પાંચાલી
પેટાચૂંટણીમાં કોંગ્રેસ આ મુદ્દે સરકારને ઘેરશે
પેટા ચૂંટણીમાં કોરોના અને અતિવૃષ્ટિથી પાકને નુકશાન, પાક વીમો, મોંઘવારી, લૉકડાઉનને કારણે વેપાર ધંધા ઠપ્પ, આમ આદમી બેહાલ સહિતના મુદ્દે ભાજપ સરકારને ભીંસમાં લેશે. ચૂંટણી પ્રચારમાં પણ લોકોને કોરોનાથી સજાગ રહેવા માટે માસ્ક અને સેનિટાઇઝરનું વિતરણ કરશે. જોકે કોંગ્રેસમાં હાલ ચાર જેટલા મુરતિયો લાઈનમાં ઉભા છે.
સી. આર. પાટીલના નેતૃત્વની પરીક્ષા
આપને જણાવી દઈએ કે વિધાનસભાની આ પેટાચૂંટણી સી. આર. પાટીલના નેતૃત્વની પરીક્ષા સમાન છે ત્યારે શું તેઓ ચૂંટણી જીતવામાં સફળ રહે છે કે પછી પ્રથમગ્રાસે જ મક્ષિકા જેવી સ્થિતિ સર્જાય છે. આ સમગ્ર વાત ચૂંટણીના પરિણામ પર જ નિર્ભર છે.