6.2 ઇંચ ડિસ્પ્લેની સાથે Vivo Y93 ભારતમાં લોન્ચ જાણો કિંમત અને ફીચર્સ

Vivo એ ભારતમાં પોતાના નવા સ્માર્ટફોન Vivo Y93ને આજે લોન્ચ કર્યો છે. એની કિંમત 13 990 રૂપિયા રાખવામાં આવી છે. ગ્રાહક આ હેન્ડસેટને સ્ટારી નાઇટ અને નેબ્યૂલા પર્પલમાં ખરીદી શકે છે. ગ્રાહક ફોનને ઓફિશિયલ ઓનલાઇન સ્ટોર અને રિટેલથી ખરીદી શકે છે. આ ફોનને ચીનમાં નવેમ્બરમાં લોન્ચ કરવામાં આવ્યો હતો. 

Vivo Y93ના સ્પેસિફિકેશનની વાત કરીએ તો એમાં 6.2 ઇંચ HD+ ડિસ્પ્લે છે. જેનો આસ્પેક્ટ રેશિયો 19.9 છે. ફોનમાં ઓક્ટા કોર મીડિયાટેક હીલિયો પી 22 પ્રોસેસરનો ઉપયોગ કરવામાં આવ્યો છે. હાલ ફોનને 4GB રેમ સાથે લોન્ચ કરવામાં આવ્યો છે અને એમાં 32 GBનો ઇન્ટરનલ સ્ટોરેજ આપવામાં આવ્યો છે. જરૂર પડવા પર એસડી કાર્ડ દ્વારા સ્ટોરેજને વધારી ફણ શકો છો. હેન્ડસેટ એન્ડ્રોઇડ 8.1 ઓરિયો બેસ્ડ ફનટચ ઓએસ 4.5 પર કામ કરે છે. 

ફોટોગ્રાફી માટે હેન્ડસેટના બેકમાં બે કેમેરા આપવામાં આવ્યા છે. એનો પહેલો કેમેરો અપર્ચર એફ/2.2 ની સાથે 13 મેગાપિક્સલ અને બીજો અપર્ચર એફ/2.4ની સાથે 2 મેગાપિક્સલનો કેમેરો છે. જ્યારે સેલ્ફી અને વીડિયો કોલિંગ માટે અપર્ચર એફ/1.8 સાથે 8 મેગાપિક્સલ ફ્રંટ કેમેરો આપવામાં આવ્યો છે. ફોનના બેકમાં જ ફિંગરપ્રિન્ટ સેન્સર આપવામાં આવ્યું છે.