બોલીવુડ એક્ટર વિવેક ઓબેરોયે બ્રિટિશ સંસદની સામે તિરંગો લહેરાવીને આઝાદીનો અર્થ જણાવ્યો હતો.
ભારતની આઝાદીના 75 વર્ષની ઉજવણીમાં દેશવાસીઓ રંગાયા
બૉલીવુડ એક્ટર વિવેક ઓબેરોયે બ્રિટન સ્વતંત્રતા દિવસની ઉજવણી કરી
સોશિયલ મીડિયા એકાઉન્ટ પર એક વીડિયો શેર કરી આઝાદીનો અર્થ જણાવ્યો
ભારતની આઝાદીના 75 વર્ષની ઉજવણીમાં દેશવાસીઓ રંગાયા છે. તેવામાં હવે બૉલીવુડ એક્ટર વિવેક ઓબરોયને લઈ એક સમાચાર સામે આવ્યા છે. આ સ્વતંત્રતા દિવસના અવસર પર અભિનેતા વિવેક ઓબેરોય બ્રિટન પહોંચી ગયા છે જ્યાં તેમણે બ્રિટિશ સંસદની સામે તિરંગો લહેરાવીને આઝાદીનો અર્થ જણાવ્યો હતો.
શું કહ્યું વિવેક ઓબરોયે ?
વિવેક ઓબેરોયે તેના સોશિયલ મીડિયા એકાઉન્ટ પર એક વીડિયો શેર કર્યો છે જેમાં તે બ્રિટિશ સંસદની બહાર ઊભો જોવા મળી રહ્યો છે. આ વીડિયોમાં વિવેક કહી રહ્યો છે- 'એક સમય હતો જ્યારે આપણે ભારતમાં જ આપણો ધ્વજ લહેરાવી શકતા ન હતા અને આજે આપણા શહીદોની શહાદતના કારણે દરેક ભારતીય વિશ્વના કોઈપણ દેશમાં ગર્વથી તિરંગો લહેરાવી શકે છે.'
આ વીડિયોમાં વિવેક ઓબેરોય તેની પત્ની અને બંને બાળકો સાથે જોવા મળી રહ્યો છે અને દરેક વ્યક્તિ હાથમાં તિરંગો લઈને વિદેશની ધરતી પર ગર્વથી લહેરાવી રહ્યો છે. આ સમયે સમગ્ર બોલિવૂડમાં આઝાદીનો આ તહેવાર ખૂબ જ ધામધૂમથી ઉજવવામાં આવી રહ્યો છે. કે
ટલાક લોકો દેશની ધરતી પર તિરંગો લહેરાવીને વડાપ્રધાન નરેન્દ્ર મોદીના તિરંગા અભિયાનને સમર્થન આપતા જોવા મળ્યા હતા, તો વિવેક ઓબેરોય જેવા કલાકારો પણ હતા જેમણે વિદેશની ધરતી પર ખાસ કરીને બ્રિટનમાં ભારતનું ગૌરવ ગર્વથી લહેરાવીને સૌની છાતી પહોળી કરી દીધી હતી.