કચ્છના મહેમાન બન્યા રાષ્ટ્રપતિ કોવિંદ ભાતીગણ સંસ્કૃતિ માણી થયાં ખુશ

કચ્છ: બે દિવસના ગુજરાતના પ્રવાસે આવેલા ભારતના રાષ્ટ્રપતિ રામનાથ કોવિંદ તેમના પ્રવાસની શરૂઆત કચ્છથી કરી હતી. ગઈકાલે બપોરે પરિવાર સાથે ગુજરાત પ્રવાસે આવેલા રામનાથ કોવિંદ ભુજના એરપોર્ટ આવી પહોંચ્યા હતા અને ત્યાંથી ખાસ હેલીકોપ્ટરથી ધોરડો સફેદરણ પહોંચેલા રાષ્ટ્રપતીએ ત્યારબાદ ધોરડોમાં કચ્છની સંસ્કૃતિ સફેદરણની ચમક અને કચ્છની હસ્તકળાને નિહાળી હતી.

ઉલ્લેખનીય છે કે કચ્છના સફેદરણની ચમકથી ભાગ્યેજ કોઇ એવું હશે જે પ્રભાવિત ન થયું હોય સફેદરણનું કુદરતી સૌંદર્ય અને આબોહવા કઇક અલગ જ અનુભૂતી કરાવે છે. ત્યારે કચ્છમાં પ્રથમવાર રાષ્ટ્રપતિ તરીકે આવેલા રામનાથ કોવિંદ અને તેમના પરિવારને પણ સફેદરણની ચમક મોહી ગઇ હતી. 
 

Sharing some glimpses of the magnificent Rann Utsav in Kutch Gujarat. #PresidentKovind @incredibleindia pic.twitter.com/3VGkEpVeDl

— President of India (@rashtrapatibhvn) December 29 2018

કચ્છની ભાતીગળ સંસ્કૃતિ અને હસ્તકળાના નમુના નિહાળ્યા બાદ ટેન્ટસીટીની રોનક નિહાળી સમી સાંજે તેઓ તેમના પત્ની સવિતા કોવિંદ અને પુત્રી સુશ્રી સ્મિતા કોવિંદ સાથે સફેદરણ પહોંચ્યા હતા અને એકાંતની પળો માણી હતી.વડાપ્રધાન મોદીની જેમ તેઓએ પણ સફેદરણમા સુર્યાસ્ત સમયે એકલતા માણી હતી અને કુદરતી સૌદર્યથી તેઓ પ્રભાવિત થયા હતા. તેમના કાર્યક્રમ દરમ્યાન તેઓ બી.એસ.એફના જવાનોને પણ મળ્યા હતા અને તેમને સન્માનીત કરી પ્રોત્સાહીત કર્યા હતા.

આપને જણાવી દઇએ કે ઢળતા સુર્ય અને ગુલાબી ઠંડીથી સર્જાયેલા વાતાવરણથી તેઓ પ્રભાવીત થયા હતા. જો કે તેમનો કાર્યક્રમ ખુબજ ગોપનીય રખાયો હતો. પરંતુ સૂત્રો તરફથી મળતી માહિતી મુજબ તેઓએ કચ્છી હસ્તકળાની વસ્તુઓની ખરીદી પણ કરી હતી. રાષ્ટ્રપતિ રામનાથ કોવિંદ કચ્છના પ્રથમવાર પ્રવાસે આવ્યા છે.
 

Visited the Rann Utsav in Kutch Gujarat. Was delighted to find tourists enjoying the rich culture and beauty of the grand Rann. Hope you all will come and experience its magic #PresidentKovind pic.twitter.com/r09UeXGqPO

— President of India (@rashtrapatibhvn) December 29 2018

જો કે વ્યસ્ત કાર્યક્રમો વચ્ચે પણ તેઓએ ગુજરાતમાં પ્રવાસ કરવાનુ નક્કી કર્યુ અને કચ્છના સફેદરણથી તેમની સફર શરૂ થઇ. તંબુ નગરીમાં રાત્રી રોકાણ સાથે તેઓ સવારે સુર્યોદયના સફેદરણમાં દર્શન કરશે અને ત્યાર બાદ તેઓ સાંસણમાં સિંહદર્શન માટે જશે.