IPLIN
 
  • Home
  • Sports
  • Cricket
  • Virat Kohli, Rohit Sharma meet 87-year-old superfan after India reach semi-finals

WC 2019 / ભાવુક દ્રશ્યો: મૅચ તો ટીમ ઇન્ડિયા જીતી પરંતુ દિલ આ ગુજરાતી દાદી જીતી ગયાં

Team VTV 08:58 AM, 03 Jul 19
Follow us
Virat Kohli, Rohit Sharma meet 87-year-old superfan after India reach semi-finals

ઈંગ્લેન્ડના બર્મિઘમના એજબેસ્ટન સ્ટેડિયમમાં ભારત અને બાંગ્લાદેશ વચ્ચે વર્લ્ડ કપની મેચ રમાઈ હતી. આ મેચમાં 87 વર્ષીય એક વૃદ્ધાએ સૌ કોઈનું ધ્યાન ખેંચ્યું હતું. 87 વર્ષીય ચારુલતા પટેલ ક્રિકેટ પ્રેમી છે અને ક્રિકેટ જોવા માટે વ્હીલચેર પર સ્ટેડિયમમાં પહોંચ્યા હતા.

જ્યાં ભારતીય ક્રિકેટરોનો જુસ્સો વધારવાનું કામ કર્યું હતું. આ વૃદ્ધાનો જોશ જોવા લાયક હતો. ભારતીય ક્રિકેટરો જ્યારે ચોકા-છક્કા ફટકારી રહ્યા હતા તે સમયે તે ટીમ ઈન્ડિયાનો જુસ્સો વધારતા નજરે પડ્યા હતા. ભારતીય સુકાની વિરાટ કોહલીએ આ વૃદ્ધાની મુલાકાત લીધી હતી.
 


વિરાટ કોહલીએ આશીર્વાદ પણ લીધા હતા. ચારુલતા પટેલે જણાવ્યું કે એ જ્યારે આફ્રિકામાં હતા ત્યારે દશકાઓથી ક્રિકેટ જોઈ રહ્યા હતા. જોકે તે સમયે કામ કરતા હોવાથી ટીવી પર ક્રિકેટ જોતા હતા. હવે તે રિટાયર થઈ ચૂક્યા છે, જેથી લાઈવ મેચ જોવા માટે સ્ટેડિયમમાં આવ્યા છે. આ સાથે જ વર્લ્ડ કપમાં ભારત જીતશે તેવી આશા પણ વ્યક્ત કરી છે અને કહ્યું  કે ગણેશજીને ભારત જીતે તે માટે પ્રાર્થના કરીશ.
 


ભારતે મંગળવારના રોજ બાંગ્લાદેશને 28 રને પરાજય આપી ક્રિકેટ વર્લ્ડકપ 2019ની સેમિફાઇનલમાં પ્રવેશ કરી લીધો છે. આ સાથે જ ભારતે સાતમી વખત વર્લ્ડકપ સેમિફાઇનલમાં જગ્યા મેળવી લીધી છે. આ અગાઉ ભારતે 1983, 1987, 1996, 2003, 2011 અને 2015ના વર્લ્ડકપમાં સેમિફાઇનલમાં જગ્યા બનાવી હતી. 
 

ભારતીય સુકાની વિરાટ કોહલી જ બાંગ્લાદેશની સામેન મેન ઓફ ધ મેચ બનેલ રોહિત શર્માએ પણ વૃધ્ધાની મુલાકાત લઇ આશીર્વાદ લીધા હતા. ક્રિકેટ વર્લ્ડકપે પણ પોતાના ટવિટર પર લખ્યું છે કે એક ખાસ ચાહક સાથે જીતનો આનંદ માણતા મેન ઓફ ધ મેચ રોહિત શર્મા.

 


87 વર્ષના ચારૂલતા પટેલે વિરાટ કોહલી અને રોહિત શર્માને પોતાના આશીર્વાદ આપ્યાં હતા. જીત બાદ સુકાની વિરાટ કોહલીએ આ વૃધ્ધા સાથે વાતચીત પણ કરી હતી. 
 


જીત બાદ 87 વર્ષના ચારૂલતા પટેલે વિરાટ કોહલી અને રોહિત શર્માના હગ (માથા પર વહાલ) કરીને આશીર્વાદ આપ્યા હતા. ટીમ ઇન્ડિયાના આ ખાસ ચાહક વ્હીલ ચેર પર બેસીને ટીમને સપોર્ટ કરવા બર્મિઘમના એજબેસ્ટન આવ્યાં હતા. 

 

World Cup 2019 Cricket Virat Kohli ક્રિકેટ વર્લ્ડ કપ 2019
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ