એશિયા કપમાં અફઘાનિસ્તાન સામે સદી ફટકારતા જ વિરાટ કોહલી આઈસીસી ટી20 બેટિંગ રેન્કિંગમાં 15માં સ્થાન પર પહોંચી ગયા છે. જાણો વિગતવાર
વિરાટ કોહલીએ ફટકારી હતી એશિયા કપમાં પોતાની 71મી સદી
તેઓ આઈસીસી ટી20 બેટિંગ રેન્કિંગમાં 15માં સ્થાન પર પહોંચી ગયા છે
ક્રિકેટનાં ત્રણેય ફોર્મેટમાં ટોપ 15 રેન્કિંગમાં છે વિરાટ કોહલી
વિરાટ કોહલીએ ફટકારી હતી એશિયા કપમાં પોતાની 71મી સદી
ભારતીય ટીમના પૂર્વ કપ્તાન અને દિગ્ગજ બેટ્સમેન વિરાટ કોહલીએ હાલમાં જ એશિયા કપમાં પોતાના બેટથી ધમાકેદાર પ્રદર્શન કર્યું હતું. વિરાટ એશિયા કપ પહેલા ખરાબ ફોર્મથી ઝઝૂમી રહ્યા હતા, પરંતુ તેમણે એશિયા કપમાં પોતાની બેટિંગમાં ઘણો સુધાર કર્યો અને કમાલની ફોર્મ સાથે વાપસી કરી. તેમણે એશિયા કપમાં 276 રન બનાવ્યા. વિરાટ એશિયા કપમાં બીજા સૌથી વધારે રન બનાવનાર ખેલાડી બની ચુક્યા છે.
જ્યારે વિરાટ કોહલીએ એશિયા કપ 2022માં પોતાની શાનદાર ફોર્મમાં વાપસી કરી અને અફઘાનિસ્તાન સામે 122 રન બનાવ્યા તેનો ફાયદો તેમના ટી20 રેન્કિંગમાં પણ થયો છે. વિરાટે આઈસીસી ટી20 બેટિંગ રેન્કિંગમાં 14 સ્થાનોની છલાંગ મારી છે.
15માં સ્થાન પર પહોંચ્યા વિરાટ
વિરાટ કોહલીએ એશિયા કપમાં શાનદાર બેટિંગ કરીને કુલ 276 રન બનાવ્યા. આમાં વિરાટે અફઘાનિસ્તાન સામે 122 રન ફટકાર્યા હતા. એશિયા કપમાં સતત ફોર્મને કારણે વિરાટ કોહલીએ આઈસીસી ટી20 બેટિંગ રેન્કિંગમાં 14 સ્થાનોની છલાંગ લગાવી છે. હવે તેઓ ટી20 બેટિંગ રેન્કિંગમાં 15માં સ્થાન પર પહોંચી ગયા છે. કોહલીનું જે વિરાટ સ્વરૂપ એશિયા કપમાં જોવા મળ્યું છે, જો તેઓ આમ જ ચાલતા રહ્યા તો જલ્દી જ ટી20 રેન્કિંગમાં પહેલા સ્થાન પર પણ પહોંચી શકે છે.
ક્રિકેટનાં ત્રણેય ફોર્મેટમાં ટોપ 15 રેન્કિંગમાં છે વિરાટ કોહલી
ક્રિકેટનાં ત્રણેય ફોર્મેટમાં ભારતનાં કેપ્ટન રોહિત શર્મા અને દિગ્ગજ બેટ્સમેન વિરાટ કોહલી જ એવા ખેલાડીઓ છે, જે બેટ્સમેનોનાં રેન્કિંગમાં ટોપ 15માં સામેલ છે. ટેસ્ટમાં વિરાટ 12માં સ્થાન પર છે અને રોહિત શર્મા 9માં સ્થાન પર, જ્યારે વન ડેમાં વિરાટ કોહલી અને રોહિત શર્મા ક્રમશઃ પાંચમા અને છટ્ઠા સ્થાન પર છે. ટી20માં રોહિત શર્મા અને વિરાટ કોહલી ક્રમશઃ 14માં અને 15માં સ્થાન પર છે. જ્યારે તમને જણાવી દઈએ કે આ બંને સિવાય ભારતનાં સ્ટાર બેટ્સમેન સૂર્યકુમાર યાદવ ટી20 રેન્કિંગમાં ચોથા સ્થાન પર છે.