ક્રિકેટ / કોહલી 'વિરાટ' ઈતિહાસ રચવા માત્ર 3 ડગલાં દૂર, તૂટશે માસ્ટર બ્લાસ્ટરનો રેકોર્ડ, રોકવો મુશ્કેલ

• વનડે ક્રિકેટમાં સૌથી વધુ સદીનો રેકોર્ડ સચિનના નામે
• સચિનનો સદીનો રેકોર્ડ તોડવા વિરાટ થોડો જ દૂર
• સચિનના નામે 49 સદીનો રેકોર્ડ, વિરાટના નામે 46 સદી 

ટીમ ઈન્ડિયાના સ્ટાર ખેલાડી વિરાટ કહોલી જબરજસ્ત ફોર્મમાં છે અને શ્રીલંકા સામેની રવિવારે ત્રીજી વનડે મેચમાં ફરી એકવાર તોફાની બેટિંગ કરી છે. વિરાટ કોહલીએ આ મેચમાં અણનમ 166 રન બનાવ્યા છે. વન ડે કેરિયરમાં કોહલીનો બીજા નંબરનો સર્વશ્રેષ્ઠ સ્કોર છે. ખાસ વાત એ છે કે, વિરાટ કહોલી મહાન ક્રિકેટર તેંડુલકરનો રેકોર્ડ તોડવાની નજીક છે. 

સચિનનો સદીનો રેકોર્ડ તોડવા વિરાટ થોડો જ દૂર
વિરાટ કોહલી અત્યાર સુધી 46 સદીઓ ફટકારી ચૂક્યો છે, જ્યારે વનડે ક્રિકેટમાં સૌથી વધુ સદીઓનો રેકોર્ડ સચિન તેંડુલકરના નામે છે. જેમણે તેમના કેરિયરમાં 49 વનડે સદીઓ ફટકારી હતી. એટલે કે વિરાટ કોહલી સચિનના આ રેકોર્ડને તોડવામાં થોડો જ દૂર છે. સચિનની બરાબરી કરવામાં 3 જેટલી સદીઓ ઘટે છે અને તેમને જણાવી દઈએ કે, સચિનના રેકોર્ડને તોડવા માટે વિરાટને ચાર સદીની જરૂર છે.

છેલ્લી ચાર મેચોમાં 3 સદી
વિરાટ કહોલી 2019થી 2022ની વચ્ચે એક પણ સદી ફટકારી શક્યો ન હતો. વિરાટ માટે એ ત્રણ વર્ષ સુકો રહ્યો છે, પરંતું એશિયા કપમાં અફઘાનિસ્થાનની સામે સદી ફટાકારી અને ત્યારબાદ તો જાણે વિરાટે પાછળ જ ન જોયું હોય તેમ સદીઓ ફટકારવાનું શરૂ કરી દીધું. વનડે મેચની વાત કરવામાં આવે તો છેલ્લી ચાર મેચમાં કોહલીએ ત્રણ સેન્ચુરી મારી છે.

બાંગ્લાદેશ- 113 રન
શ્રીલંકા-113
શ્રીલંકા- 166* રન

વનડે ક્રિકેટમાં સૌથી વધુ સદીનો રેકોર્ડ

• સચિન- 463 મેચ, 49 સદી
• વિરાટ-268 મેચ, 46 સદી
• રિકી પોંટીંગ-375 મેચ, 30 સદી

સચિન તેંડુલકર અને વિરાટ કોહલીના સદીઓના રેકોર્ડ પર નજર કરીએ તો બંન્ને વચ્ચે ફક્ત 3 સદીઓનો ઓછા વધતી છે, જ્યારે વિરાટ કહોલીએ આ રેકોર્ડ સચિન કરતા ઓછી મેચોમાં પોતાના હસ્તક કર્યો છે, સચિન તેંડુલકરે 49 સદીઓ 452 મેચમાં બનાવી છે જ્યારે વિરાટ કોહલીએ 46 સદીઓ ફક્ત 259 મેચોમાં બનાવી છે.
બંને ખેલાડીઓ વચ્ચે રનનો તફાવત હજુ પણ ઘણો ઊંચો છે. વનડેમાં સચિનના નામે 18426 રન છે, જ્યારે વિરાટ કોહલીના નામે 12754 રન છે. એટલે કે વનડેમાં રનની બાબતમાં વિરાટ કોહલી હજુ પણ 5,672 રન પાછળ છે. 

વિરાટ કોહલી પાસે તક છે
વિરાટ કોહલી પાસે આગામી થોડા દિવસોમાં સચિન તેંડુલકરનો રેકોર્ડ તોડવાની તક છે. શ્રીલંકા સામેની સીરીઝ પૂરી થયા બાદ ટીમ ઈન્ડિયાએ ન્યુઝીલેન્ડ અને ઓસ્ટ્રેલિયા સામે પણ વનડે સીરીઝ રમવાની છે. એટલે કે માર્ચ સુધી જ ટીમ ઈન્ડિયા 6 વનડે રમશે. વિરાટ કોહલી જે ફોર્મમાં ચાલી રહ્યો છે તેજ રીતે આ મેચમાં પણ પ્રદર્શન કરે તો સદીઓનો રેકોર્ડ પોતાના હસ્તક કરી શકે છે.