વાહવાહી / નવજાતને બચાવવા ડૉક્ટરે લગાવી દીધી સંપૂર્ણ તાકાત, બાળકીને મોતના મુખમાંથી બચાવી, VIDEO જોઈ શ્વાસ અધ્ધર થઈ જશે

• નવજાતના શરીરમાં ન હતી થઈ રહી હલચલ 
• મહિલા ડૉક્ટરે આ રીતે બચાવ્યો જીવ 
• વીડિયો સોશિયલ મીડિયા પર થયો વાયરલ 

ડૉક્ટરને ભગવાનનું બીજું રૂપ માનવામાં આવે છે અને ઘણી વખત આ કહેવત સાચી સાબિત થતી જોવા મળે છે. આવી જ એક ઘટના પ્રકાશમાં આવી જ્યારે એક મહિલા ડૉક્ટરે નવજાત બાળકીના મોઢામાં શ્વાસ ફૂંકીને તેનો જીવ બચાવ્યો. હકીકતે બાળકીનો જન્મ થતાં જ તેણે શ્વાસ લેવાનું બંધ કરી દીધુ હતુ અને તેને તાત્કાલિક ઓક્સિજન સપોર્ટની જરૂર હતી. ત્યાર બાદ ડૉક્ટરે જે કર્યું તે સોશિયલ મીડિયા પર ખૂબ જ વાયરલ થઈ રહ્યું છે. 

'માઉથ ટુ માઉથ રેસ્પિરેશન'
હકીકતે આ વીડિયો ઉત્તરપ્રદેશ પોલીસ અધિકારી સચિન કૌશિકે ટ્વિટર પર શેર કર્યો છે. તેમણે લખ્યું કે ડૉ. સુલેખા ચૌધરી, પીડિયાટ્રીસિયન, CHC, આગ્રા. બાળકીનો જન્મ થયો પણ શરીરમાં કોઈ હલચલ ન હતી. બાળકીને પહેલા ઓક્સિજન સપોર્ટ આપવામાં આવ્યો. પરંતુ જ્યારે તે પણ મદદ ન કર્યું પછી લગભગ સાત મિનિટ સુધી 'માઉથ ટુ માઉથ રેસ્પિરેશન' આપ્યું, બાળકીને શ્વાસ લેવાનું શરૂ કર્યું.

डॉक्टर सुलेखा चौधरी, पीडियाट्रीसियन, CHC, आगरा।

बच्ची का जन्म हुआ लेकिन शरीर में कोई हलचल नहीं थी।
बच्ची को पहले ऑक्सिजन सपोर्ट दिया, लेकिन जब उससे भी लाभ नहीं हुआ तो लगभग 7 मिनट तक ‘माउथ टू माउथ रेस्पिरेशन’ दिया, बच्ची में साँस आ गई।👏🏼❤️#Salute #Doctor #respect pic.twitter.com/1PQK8aiJXQ

— SACHIN KAUSHIK (@upcopsachin) September 21, 2022

નવજાત શિશુના શરીરમાં કોઈ હલચલ ન હતી
વીડિયોમાં જોવા મળી રહ્યું છે કે નવજાત બાળકીના શરીરમાં હકીકતે કોઈ હલચલ જણાતી ન હતી. પરંતુ આ બધું કર્યા પછી બાળકીમાં જીવ પાછો આવ્યો અને તેણે હલનચલન કરવાનું શરૂ કર્યું. બાળકીની હરકત બાદ ડોક્ટર હસવા લાગ્યા અને ત્યાં હાજર અન્ય લોકો પણ હસવા લાગ્યા. લોકો પણ ડોક્ટરના વખાણ કરી રહ્યા હતા.

આગરાની એક હોસ્પિટલની છે આ ઘટના
કહેવામાં આવી રહ્યું છે કે આ વીડિયો થોડો જૂનો છે જે હવે વાયરલ થઈ રહ્યો છે. મીડિયા રિપોર્ટ્સ અનુસાર, આ વર્ષે માર્ચ મહિનામાં આગ્રામાં આ ઘટના બની હતી જેનો વીડિયો ફરી એકવાર વાયરલ થઈ રહ્યો છે. વીડિયોમાં દેખાતા બાળરોગ નિષ્ણાંત સુરેખા ચૌધરી છે, જેણે આ બાળકીને બચાવી હતી. આ વીડિયોને જોઈને લોકો મહિલા ડોક્ટરની પ્રશંસા કરી રહ્યા છે અને તેના જુસ્સાને સલામ કરી રહ્યા છે.