ઘણા યુવાનો શો-બાજી અને 'રીલ્સ'ની શોધમાં ચાલતી બાઇક પર જોખમી સ્ટંટ કરે છે. આને રોકવા માટે પોલીસ પણ કડક પગલાં ભરી રહી છે. પરંતુ આંધ્રપ્રદેશના એક યુવાન દંપતીએ ચાલતી બાઈક પર એવું પરાક્રમ કર્યું કે તેમનો વીડિયો ઈન્ટરનેટ પર વાયરલ થયો. જો કે આ વીડિયો વાયરલ થયા બાદ પોલીસે કાર્યવાહી કરીને ગુનો નોંધી દંપતીની ધરપકડ કરી હતી. આ દંપતી ચાલતી બાઈક પર ગળે મળી રહ્યું હતું. આ વાત તમે વીડિયો જોઈને સમજી શકશો. આ ઘટના બાદ વિશાખાપટ્ટનમના પોલીસ કમિશનર સીએચ શ્રીકાંતે નાગરિકોને ટ્રાફિકના નિયમોનું પાલન કરવાની સલાહ આપી હતી અને ચેતવણી આપી હતી કે, જો તેઓ નિયમોનું ઉલ્લંઘન કરશે તો વાહન જપ્તી સહિત આકરા દંડની જોગવાઇ કરવામાં આવશે.
યુવકે ટાંકી પર બેસાડીને છોકરી સાથે કરી પ્રેમલીલા
આ વીડિયો વિશાખાપટ્ટનમના સ્ટીલ પ્લાન્ટ રોડ પર ફિલ્માવવામાં આવ્યો હોવાના અહેવાલ છે. દાવો કરવામાં આવ્યો હતો કે વીડિયોમાં દેખાતો યુવક 22 વર્ષનો છે. જ્યારે યુવતીની ઉંમર 19 વર્ષ છે. બંને ખૂબ જ બેદરકારી સાથે મોટરસાયકલ પર મુસાફરી કરી રહ્યા હતા. યુવક ટાંકી પર તેની પ્રેમિકાને બેસાડીને બાઈક ચલાવી રહેલો જોવા મળી રહ્યો હતો. એટલું જ નહીં પરંતુ આ દરમિયાન બન્ને ગળે પણ ભેટ્યાં હતા અને બાઈક ચાલતી રહી હતી. તેમની આ કરતૂતને ત્યાંથી પસાર થતા એક કાર ચાલકે કેમેરામાં કેદ કરી લીધી હતી. આ વીડિયો વાયરલ થતા સ્ટીલ પ્લાન્ટ પોલીસે કાર્યવાહી કરી બાઈક કબજે કરી હતી. તેમજ મોટર વ્હીકલ એક્ટની કલમ 336, 279, 132 અને 129 હેઠળ ગુનો નોંધી તેમની ધરપકડ કરવામાં આવી હતી.
విశాఖలో లవర్స్ ఓవర్ యాక్షన్. స్టీల్ ప్లాంట్ మెయిన్ రోడ్డుపై పట్టపగలు బరితెగింపు. హెల్మెట్ లేకుండా యువకుడు డ్రైవింగ్. కాలేజ్ యూనిఫామ్ ధరించి విద్యార్థిని వికృత చేష్టలు చూసి నివ్వెరపోయిన స్థానికులు. #AndhraPradesh#Visakhapatnam#Vizagpic.twitter.com/i2dGgHKElg
વીડિયો વાયરલ થતા પોલીસ પ્રેમીઓની કરી ધરપકડ
આ ઘટનાનો વીડિયો 29 ડિસેમ્બરે પોસ્ટ કરવામાં આવ્યો હતો. સાથે લખવામાં આવ્યું કે વિશાખાપટ્ટનમમાં પ્રેમીઓ એક્શનમાં છે. આ યુવક હેલ્મેટ વગર બાઈક ચલાવી રહ્યો હતો. કોલેજનો યુનિફોર્મ પહેરીને આવેલા આ વિદ્યાર્થીઓની આ કાર્યવાહી જોઈને સ્થાનિક લોકો સ્તબ્ધ થઇ ગયા હતા. તેમણે પોતાના આગામી ટ્વીટમાં કહ્યું કે આ બેદરકારી અને ટ્રાફિક નિયમોના ઉલ્લંઘન માટે બંનેને સ્ટીલ પ્લાન્ટ પોલીસે ધરપકડ કરી છે. સમાચાર લખાઈ રહ્યા છે ત્યારે આ વીડિયોને 2 લાખ 18 હજારથી વધુ વ્યૂઝ અને બે હજારથી વધુ લાઈક્સ મળી ચૂકી છે.