કલ્પના કરો કે તમે સારવાર માટે કોઈ હોસ્પિટલમાં જાઓ છો અને ત્યાં તમારી ભાવનાઓ તમે દર્શાવી રહ્યાં છો અને એવા સમયે તમારી આંખમાંથી આંસુ નિકળે છે તો શું તેના માટે તમે પૈસા આપશો? અમેરિકામાં એક મામલો સામે આવ્યો છે.
અમેરિકામાં ચોંકાવનારી ઘટના સામે આવી
હોસ્પિટલમાં દર્દી રડ્યો તેની પાસેથી લેવાયા પૈસા
સોશિયલ મીડિયામાં હોસ્પિટલની થઈ રહી છે નિંદા
દર્દી લાગણીશીલ થયો અને રોવા લાગ્યો
એક દર્દી હોસ્પિટલમાં જ્યારે સર્જરી કરવા માટે ગયો ત્યારે સર્જરી કરાવતી વખતે દર્દી લાગણીશીલ થઇ ગયો અને રોવા લાગ્યો. જે સંદર્ભે હોસ્પિટલે દર્દીને બિલ આપ્યું. લાગણીશીલ એક્સપ્રેશન માટે દર્દીએ ચાર્જ ચૂકવવો પડ્યો. એટલું જ નહીં, બિલ જોઈને સૌ કોઈ અવાચક થયા.
દર્દી રડ્યો તો તેની પાસેથી લીધા પૈસા
હોસ્પિટલ જવુ કોઈને પસંદ નથી. હોસ્પિટલમાં બિમાર થઇને જવુ કોઈને ગમતુ નથી. પરંતુ સારવાર કરાવવા કોઈ દર્દી હોસ્પિટલ જાય છે ત્યારે તે અંદરથી ખૂબ જ લાગણીશીલ હોય છે. અમેરિકાની એક મહિલાએ દાવો કર્યો છે કે જ્યારે મહિલા પોતાની સર્જરી માટે હોસ્પિટલ પહોંચી. સર્જરી દરમ્યાન તેને રડવુ આવ્યું તેની પાસેથી પૈસા લેવામાં આવ્યાં. મહિલાએ પોતાનો અનુભવ ટ્વિટર પર શેર કર્યો. ત્યારબાદ સોશિયલ મીડિયામાં ખૂબ હોબાળો થયો.
આ ઘટના બાદ અમેરિકાની હેલ્થકેર સિસ્ટમની મુશ્કેલીઓ અને પ્રક્રિયાઓ અંગે ગંભીર સવાલ પૂછ્યા છે. અમેરિકાની હોસ્પિટલોમાં કામ વગરના પૈસા ખર્ચવાને કારણે તેની આકરી નિંદા થઇ રહી છે. Midge નામની મહિલાએ પોતાના ટ્વિટર હેન્ડલ @mxmclain પર મોલ રિમુવલ પ્રોસેસ બાદ હોસ્પિટલમાંથી મળેલા ઈનવોઈસની એક તસ્વીર શેર કરી છે. જે અંગે ચોંકાવનારી વાત એ છે કે જે બિલમાં દરેક સુવિધાઓનો ચાર્જ દર્શાવવામાં આવ્યો હતો. તેમાં બ્રીફ ઈમોશન નામનું એક વિવરણ આપ્યું હતુ. જેના પર 11 અમેરિકન ડોલર (800 રૂપિયાથી વધુ) ફી લગાવવામાં આવી હતી.