રમતનાં મેદાનમાં ઘણી વખત ખેલાડીઓ પોતાની કળાના કારણે ચર્ચામાં આવતા હોય છે પરંતુ રમતમાં એવી વિવાદાસ્પદ ઘટનાઓ પણ બનતી હોય છે જેના કારણે વિશ્વભરમાં તેમની ચર્ચા થાય છે. સાઉથ આફ્રિકાનાં કેપ્ટને પણ એવો જવાબ આપ્યો કે બધા આશ્ચર્યમાં મુકાઈ ગયાં. મજાંસી સુપર લીગ દરમિયાન તેમણે સાથી ખેલાડીનાં મેચમાં નાં આવવા પર કહ્યું કે તે અત્યારે મારી બેન સાથે સુતો હશે.
ડુપ્લેસીસની બેનનાં લગ્ન સાથી ખેલાડી સાથે જ થયા છે
મજાંસી સુપર લીગમાં પાર્લ રોક્સ ટીમના કેપ્ટન છે ડુપ્લેસીસ
ડુ પ્લેસીસે આ મેચમાં 22 રન ફટકાર્યા
તે મારી બેન સાથે બેડમાં હશે કારણ કે કાલે જ તેમના લગ્ન થયા છે : ડુપ્લેસીસ
સાઉથ આફ્રિકાનાં કેપ્ટન ફોફ ડુ પ્લેસીસ મેચના મેદાનમાં એવું નિવેદન આપ્યું જેની કલ્પના પણ કોઈએ નાં કરી હોય. ઉલ્લેખનીય છે કે મજાંસી સુપર લીગમાં અંતિમ પળોમાં ટીમમાં ફેરબદલ કરવામાં આવ્યા જેના પર સવાલ પૂછવામાં આવતા ડુપ્લેસીસે એવો જવાબ આપ્યો કે બધા હસવાં લાગ્યાં. આ લીગમાં નેલ્સન મંડેલા બે જાયન્ટ્સ વિરુદ્ધ ડુ પાર્લ રોક્સ નામક ટીમનાં કેપ્ટન ડુપ્લેસીસ છે, ટોસ કરતા સમયે તેમણે આ નિવેદન આપ્યું છે. ટોસ હાર્યા બાદ જ્યારે તેમણે ટીમમાં થયેલા ફેરબદલ વિશે સવાલ કરવામાં આવ્યો જે બાદ તેમણે જવાબ આપતાં કહ્યું કે 'હાર્ડસ વિલ્જોન નથી રમી રહ્યાં. તે મારી બેન સાથે બેડમાં હશે કારણ કે કાલે જ તેમના લગ્ન થયા છે.' આ બાદ મેચમાં ઉપસ્થિત બધા લોકો હસવાં લાગ્યાં હતા.
ડુપ્લેસીસની બેન રેમી સાથે વિલ્જોનની સગાઇ એપ્રિલ મહિનામાં થઇ હતી. બંનેએ હાલમાં જ લગ્ન કર્યા છે. જોકે વિલ્જોને અત્યાર સુધી ટીમ માટે એક જ મેચ રમી છે, ઘણીવાર તે T 20 મુકાબલામાં નજરે પડતા હોય છે. આઈપીએલમાં તે પંજાબ તરફથી રમે છે.
જો આ મુકાબલાની વાત કરવામાં આવે તો ડુ પ્લેસીસે આ મેચમાં 22 રન ફટકાર્યા હતા. પાર્લ રોક્સ ટીમ આ મેચમાં વિજેત રહી, કુલ 20 ઓવરમાં ટીમે 168 રન બનાવ્યા હતા જેની સામે બે જાયન્ટ્સ ટીમ 156 રન જ બનાવી શકી.