નિવેદન / ગુજરાત વિધાનસભાની ચૂંટણી વહેલા યોજાશે? પૂર્વ CM વિજય રૂપાણીએ આપ્યા સૂચક સંકેત

• સી.આર.પાટીલને દિલ્લીનું તેડું
• વહેલી ચૂંટણીની અટકળો તેજ
• અટકળો પર બોલ્યાં વિજય રૂપાણી

ગુજરાત ભાજપ પ્રમુખ C.Rપાટીલને અચાનક દિલ્લીનું તેડું આવ્યું છે. C.R પાટીલના દિલ્લી પ્રવાસને લઇને વહેલી ચૂંટણીની અટકળો તેજ થઇ છે.ત્યારે વહેલી ચૂંટણીની અટકળોને લઇને પૂર્વ મુખ્યમંત્રી વિજય રૂપાણીએ કહ્યું કે, રોજ મીડિયાના માધ્યમથી વહેલી ચૂંટણી આવી રહી છે તેવું સાંભળીએ છીએ.જોઇએ જે કંઇ નિર્માણ થાય તે બાબતે.

વહેલી ચૂંટણીની અટકળો તેજ

ગુજરાત પ્રદેશ ભાજપ અધ્યક્ષ સી આર પાટીલને અચાનક દિલ્હીનું તેડું આવ્યું છે. સી.આર.પાટીલ આજરોજ રાજકોટ શહેરના બે કાર્યક્રમમાં તેમજ જિલ્લાના એક કાર્યક્રમમાં હાજરી આપવાના હતા. પરંતુ તેમને દિલ્હીનું અચાનક દિલ્હી નું તેડું આવતાં તેઓ ત્રણેય કાર્યક્રમમાં હાજર નથી રહી શક્યા. 

અટકળો પર બોલ્યાં વિજય રૂપાણી

ત્યારે બીજી તરફ તેમના દિલ્હી પ્રવાસને લઇને પણ વહેલી ચૂંટણીની અટકળો તેજ થઈ છે. તો બીજી તરફ છેલ્લા કેટલાય દિવસોથી ભારતીય જનતા પાર્ટીના કાર્યક્રમોની વણઝાર જોતા વહેલી ચૂંટણી બાબતે અટકળો શરૂ થઇ ચૂકી છે. ત્યારે વહેલી ચૂંટણીની અટકળોને લઈને પૂર્વ મુખ્યપ્રધાન વિજય રૂપાણીનું નિવેદન સામે આવ્યું છે.  વિજય રૂપાણીએ હસતાં-હસતાં કહ્યું કે રોજ મીડિયાના માધ્યમથી ચૂંટણી વહેલી આવી રહી છે તેવું સાંભળીએ છીએ. જોઈએ જે કઈ નિર્માણ થાય તે બાબતે. ત્યારે વિજય રૂપાણી નું હાસ્ય શું વહેલી ચૂંટણી તરફ ઇશારો કરી રહ્યું છે કે શું?