VIDEO / રાજકોટ પોલીસ તોડકાંડ મામલે વીડિયો વાયરલ, PSI સાખરા અને સોની પરિવાર વચ્ચે થઈ હતી ઉગ્ર ઝપાઝપી 

• રાજકોટ તોડકાંડનો વીડિયો થયો વાયરલ
• PSI સાખરાનો અગાઉનો વીડિયો સામે આવ્યો
• PSI આરોપીનું નિવેદન લેવા ગયા હતા

રાજકોટના પોલીસ કમિશનર મનોજ અગ્રવાલ સામે નાણાં કઢાવવા હવાલા લેવાનો આક્ષેપ કરતા ધારાસભ્ય ગોવિંદ પટેલના પત્રથી સમગ્ર ગુજરાતમાં હડકંપ મચી ગયો છે. પત્રમાં ફરિયાદીના નામ તરીકે મહેશ સખિયાનો ઉલ્લેખ છે. મહેશ સખિયાએ બ્યુટીશીયન મુનિરા સામે એપ્રિલ 2021માં 10.85 કરોડની છેતરપિંડીની ફરિયાદ નોંધાવી હતી અને આ નાણાંનું પગેરુ સોપારીના વેપારી રિયાઝ વીંછી અને સોની વેપારી ધર્મેશ બારભાયા સુધી પહોંચ્યું હોવાથી તેની સામે પણ ગુનો નોંધવામાં આવ્યો હતો. 

PSI સાખરા અને સોની પરિવાર આમને સામને
એ સમયે ક્રાઇમ બ્રાન્ચમાં ફરજ બજાવતા PSI એસ.વી. સાખરા અને તેમના સાથી પોલીસ કર્મીને ધર્મેશ બારભાયાને પકડવા ગયા હતા. પરંતુ ધર્મેશ બારભાયાના પરિવારે PSI અને સાથેના કર્મીને ઘરમાં પૂરી મારકૂટ કરી હતી. બાદમાં પોલીસે સોની પરિવારના સભ્યોને એક પછી એક બહાર કાઢી રસ્તા પર ઢસડી અને લાઠીઓ ઉગામીના વીડિયો સોશિયલ મીડિયામાં વાઇરલ થયા હતા.

સોની પરિવારને ઘરની બહાર કાઢી ઢસડ્યો, રાજકોટ તોડકાંડમાં વિવાદીત PSI સાખરાના ગેરવર્તનનો વીડિયો વાયરલ#Rajkot #PSISakhara pic.twitter.com/HYve3fhXb2

— VTV Gujarati News and Beyond (@VtvGujarati) February 7, 2022

હવે PSI S.V. સાખરા પર ગાળિયો કસાયો
રાજકોટ પોલીસ કમિશનકાંડની કાર્યવાહીના પડઘા અમદાવાદમાં પડ્યા છે. PSI S.V. સાખરા સામે અમદાવાદ પોલીસ કમિશનરે સકંજો કસ્યો. PSI સાખરાને ક્રાઈમબ્રાંચમાંથી કંટ્રોલરૂમમાં મુકાયા. તાજેતરમાં જ રાજકોટથી અમદાવાદમાં બદલી થઈ હતી. અમદાવાદ પોલીસ કમિશનરે PSI સાખરાની બદલી કરી દીધી છે. તપાસ પૂર્ણ ન થાય ત્યા સુધી તેઓ કંટ્રોલરૂમમાં ફરજ બજાવશે. રાજકોટના સોની વેપારીએ ગંભીર આક્ષેપ લગાવ્યા હતા. 2 કરોડ રૂપીયા પડાવવા માટે ટોર્ચર કર્યાનો PSI પર આરોપ છે. રાજકોટ કમિશનકાંડમાં ગૃહ વિભાગે  તપાસના આદેશ આપ્યા છે.

DGP વિકાસ સહાયના હાથમાં તપાસ 
DGP વિકાસ સહાય મનોજ અગ્રવાલ કરતા બે વર્ષ સિનિયર અધિકારી છે. જેથી હવે તેઓ ધારાસભ્ય ગોવિંદ પટેલના લેટર અંગે તપાસ કરશે. તેઓ સમગ્ર મામલે ક્રાઈમ બ્રાન્ચનો રોલ અને પોલીસ કમિશનર પાસેની કુલ મિલકતની તપાસ કરી શકે છે. સાથેજ કમિશનર મનોજ અગ્રવાલ સામે પણ જે આક્ષેપો લાગ્યા છે. તેની પણ તપાસ થશે.