પેરાલિમ્પિક્સમાં ભારતનાં દિવ્યાંગ ખેલાડીઓએ એવો વર્લ્ડ રેકોર્ડ બનાવી દીધો છે જે જોઈને દરેક ભારતીય છાતીની ગજગજ ફૂલી જશે. આ ઐતિહાસિક ક્ષણનો વીડિયો સોશ્યલ મીડિયામાં વાયરલ થઈ રહ્યો છે.
સુમિત અંતિલ ભારત માટે ત્રીજો મેડલ જીત્યો
68.55 મીટરના અંતરે ભાલો ફેંકી ગોલ્ડ મેડલ તો પોતાને નામ કર્યો
ભારતના દિવ્યાંગ ખેલાડીઓ ટોક્યો પેરાલિમ્પિક્સમાં શાનદાર પ્રદર્શન કરી રહ્યા છે ત્યારે આજે સુમિત અંતિલનાં ભાલાએ ભારતને ગોલ્ડ મેડલ અપાવ્યો. સાથે સાથે સુમિતે ઈતિહાસ રચતાં સતત ત્રીજી વાર ભારત માટે ગોલ્ડ મેડલ પોતાના 'ભાલે' લઈને આવ્યો.
સર્જાયો વર્લ્ડ રેકોર્ડ, તીરંગા સાથે કરી ઉજવણી
ઓરેન્જ ટીશર્ટ અને બ્લેક શોર્ટ્સમાં સુમિતે પાંચમી વખત ભાલો ફેંક્યો જે 68.55 મીટર દૂર જઈને પડ્યો, જેના કારણે ભારત આજે ગોલ્ડ મેડલ જીતી શક્યું. છેલ્લો દાવ લીધા બાદ સુમિત સીધો જ ભારતનો તિરંગો લઈને વિશ્વ રેકોર્ડની ઉજવણી કરવા લાગ્યો.
— Paralympic India 🇮🇳 #Cheer4India 🏅 #Praise4Para (@ParalympicIndia) August 30, 2021
PM મોદીએ પાઠવી શુભેચ્છા
PM મોદીએ સુમિતને શુભેચ્છાઓ પાઠવતા ટ્વિટ કરીને કહ્યું કે ભારતને સુમિતનાં પરફોર્મન્સ પર ખૂબ જ ગર્વ છે અને આગામી ભવિષ્ય માટે હું શુભેચ્છાઓ પાઠવું છું.
PM મોદીએ ઘુમાવ્યો ફોન
#WATCH: PM Modi telephoned #SumitAntil &congratulated him on winning Gold & for a historic performance
PM told him that he made the nation proud&appreciated his spirit of resilience. He added that youngsters would be inspired by Sumit.He pointed that he has made his family proud pic.twitter.com/PwKnAGG0rS
દિવ્યાંગ ખેલાડીઓ ઝળક્યા
સુમિત પહેલા અવનિ લખેરાએ શૂટિંગમાં ભારતને ગોલ્ડ મેડલ અપાવ્યો છે. તેણે સોમવારે મહિલાઓની R-2 10 મીટર ઍર રાઈફલ સ્ટેન્ડિગ SH1માં પ્રથમ સ્થાન હાંસલ કરી ગોલ્ડ મેડલ લઈ આવી છે.
જો કે આજે બીજી બાજુ ભારત માટે નિરાશાજનક સમાચાર પણ આવ્યા
ભારતને ટૉક્યો પેરાલિમ્પિકમાં મોટો ઝટકો મળ્યો છે. ડિસ્કસ થ્રોમાં વિનોદકુમારને મળેલો બ્રૉન્ઝ મેડલ હોલ્ડ પર મૂકી દેવાયો છે. ઉલ્લેખનીય છે કે આમ બનવા પાછળનું કારણ તેમની એન્ટ્રીને લઈને વિરોધ હોવાનું જણાવાઈ રહ્યું છે. ટૉક્યો પેરાલિમ્પિકમાં હવે એ નિર્ણય લેવાયો છે કે વિનોદકુમારનો બ્રોન્ઝ મેડલ હાલ પૂરતો હોલ્ડ પર મૂકી દેવામાં આવશે અને તેમને આ મેડલ નહીં મળે. ટૉક્યો પેરાલિમ્પિકના ટેકનોલોજી પ્રતિનિધિએ એ નક્કી કર્યુ છે કે વિનોદ કુમાર ડિસ્કસ થ્રો (F52 ક્લાસ) માટે શ્રેણીમાં ફીટ નથી બેસતા.