બાળક ચોર ગેંગની આશંકાએ લોકોએ યુવકને માર્યો માર VIDEO થયો વાયરલ

જામનગર: ગુજરાતના ત્રણ જિલ્લાઓમાં બાળકચોર ગેંગની આશંકાએ જાહેરમાં યુવકોની ધોલાઈ કરવામાં આવી હતી..સૌરાષ્ટ્રના બે જિલ્લામાં અને ઉત્તર ગુજરાતના એક જિલ્લામાંથી ત્રણ ઘટનાઓ સામે આવી છે. આ તરફ દ્રારકા જિલ્લામાં બે પરપ્રાંતિય યુવકોને સ્થાનિકોએ જાહેરમાં મૂઢ માર માર્યો હતો. બાળકો ઉપાડી જતી ગેંગના સભ્ય હોવાની શંકાએ સ્થાનિકોએ યુવકોની ધોલાઈ કરી હતી.

તો બીજી તરફ ખંભાળીયાના સિંહણ ગામમાં પણ બાળક ચોરની ગેંગની આશંકાએ સ્થાનિક લોકોએ યુવકને જાહેરમાં ઢોર માર માર્યો હતો. તો પાટણ હારીજમાં પણ યુવકની પિટાઈ કરતો વીડિયો વાયરલ થયો હતો અને આરોપીની ધરપકડ કરીને પોલીસે તપાસ હાથ ધરી હતી. 



ઉલ્લેખનીય છે કે એક તરફ જિલ્લામાં આવી કોઈ ગેંગ સક્રિય ન હોવાની પોલીસવડાએ સ્પષ્ટતા કરી હતી. ત્યારે પોલીસવડાની સ્પષ્ટતા બાદ પણ લોકોએ કાયદો હાથમાં લીધો હતો. બીજી તરફ બાળકો ઉપાડતી ગેંગ સક્રિય થયાની ઓડિયો ક્લીપ સોશ્યલ મીડિયામાં ફરતી થઇ હતી.