Video / સુરતમાં માથાભારે છબી ધરાવતા યુવકોનો વીડિયો વાયરલ, જૂઓ તલવાર વડે કેક કાપી

• સુરતમાં લાલ ગેટ પોલીસની હદમાં ઉજવાયો બર્થ ડે
• માથાભારે છબી ધરાવતા યુવકો વીડિયો વાયરલ
• તલવાર વડે કેક કાપી, ડીજેના તાલે ઝુંમ્યા યુવકો

કોરોના કેસમાં ઘટાડો નોંધાયો છે પણ રાજ્યમાં હજુ પણ હજારોની સંખ્યાં કોરોનાના એક્ટિવ કેસ છે, હજુ પણ કોરોનાની ત્રીજી લહેરની શક્યતાઓ જોવાઈ રહી છે ત્યારે સુરતમાં સોશિયલ ડિસ્ટન્સિંગના ધજાગરા ઉડાવતો એક વીડિયો વાયરલ થયો છે.

કોરોના કાળના નિયમો ભુલાયા, જાહેરમાં બર્થડે પાર્ટીનું સેલેબ્રેશન

અવાર નવાર બર્થડે પાર્ટી કે કેક કટિંગના વીડિયો વાયરલ થાય છે ત્યારે વધુ એક વીડિયો વાયરલ થયો છે આ વીડિયો સુરતના લાલ ગેટ પાસેનો હોવાનું મનાઈ રહ્યું છે જેમાં જાહેરમાં બર્થડે પાર્ટીનું સેલેબ્રેશન કરવામાં આવી રહ્યું છે. વીડિયોમાં જોઈ શકાય છે કે એક યુવક જાહેરમાં તલવાર વડે કેક કાપી રહ્યો છે. 

માથાભારે છભી ધરાવતા યુવકોનો વીડિોય વાયરલ

બર્થડે પાર્ટીના આ વીડિયોમાં કેક કટિંગ બાદ જાહેરમાં ડીજે પાર્ટી સાથે ઉજવણી કરવામાં આવી હોય તેવી પણ જોવા મળી રહ્યું છે, આ વીડિયો ત્રણ દિવસ જૂનો હોવાનું મનાઈ રહ્યું છે જેમાં કેટલાક માથાભારે છબી ધરાવતા યુવકો મોટી સંખ્યામાં ભેગા થાય છે અને ડીજે વગાડીને બર્થડેની ઉજવણી કરતા નજરે પડી રહ્યા છે એટલું જ નહીં એક યુવક તલવાર વડે કેક કટિંગ કરતા હોવાનું પણ જણાઈ રહ્યું છે. આ વીડિયો અક્રમ નામના ઈસમની બર્થડે પાર્ટીમાં લેવામાં આવ્યો હોવાના અહેવાલો મળ્યો છે, તેમજ વીડિયોમાં જુગારની ક્લબ ચલાવનાર લોકો પણ હોવાનું જાણવા મળ્યું છે. 

પોલીસ મુકપ્રેક્ષક બની છાવરવાનું કામ કરે છે 

મહત્વનું છે કે હજુ પણ ગુજરાતમાં કોરોનાના એક્ટિવ કેસની સંખ્યા હજારોને પાર હોવાનું માનવામાં આવે છે,હજુ પણ અનેક જગ્યાએ કોરોના કેસ સામે આવી રહ્યા છે ત્યારે લાલ ગેટ પોલીસની હદ વિસ્તારમાં આ વીડિયો વાયરલ થયો છે જેમાં સોશિયલ ડિસ્ટન્સિંગ અને કોરોનાના કાળના નિયમોની ઐસિતૈસી કરવામાં આવી રહી છે તે જોતા લાગી રહ્યું છે કે પોલીસ પણ મુક પ્રેક્ષક બનીને આવા લોકોને છાવરવાનું કામ કરી રહી છે.  

સુરતમાં કોરોના કેસ 1 લાખ 42 હજારને પાર  
સુરત શહેરમાં હાલ કોરોના પોઝિટિવ કેસનો આંક 1 લાખ 42 હજાર પર પહોંચી ગયો છે. આ સાથે શહેરમાં કોરોનાથી મૃત્યુનો આંક 2089 થયો છે.ગત રોજ શહેરમાંથી 104 અને જિલ્લામાંથી 76 મળી 180 કોરોના પોઝિટિવ દર્દીઓ કોરોનાને માત આપી સાજા થયો છે. આ સાથે અત્યાર સુધીમાં શહેર જિલ્લામાં 13 લાખ 7 હજાર 409 દર્દીઓ કોરોનાને માત આપી સાજા થઈ ચુક્યા છે.