પ્રકૃતિ જીવંત છે અને તે અવારનવાર તેની જીવંતતાનો પરિચય આપતી હોય છે ક્યારેક તો આભા બની જવાય તેવું કામ કરતી નાખતી હોય છે. જોઈને આભું બની જવાય તેવો પ્રકૃતિનો એક સુંદર નહીં સુંદર કરતાં પણ આગળ એવો નજારો સર્જાયો છે.
પહાડો પર ખીલી ઉઠ્યાં ચેરી બ્લોસમના ફૂલો
જાપાનમાં વસંત ઋતુ ખુબ જ ખાસ હોય છે. માર્ચ અને એપ્રિલ મહિનામાં ચારે બાજુ 'ચેરી બ્લોસમ'ના સુંદર ફુલ ખીલી ઉઠતાં હોય છે જેને જોવા માટે પ્રવાસીઓના ધાડેધાડા ઉમટી પડે છે અને હવે જાપાનની બ્લૂ ફ્લાવર વેલીનો એક વીડિયો સોશિયલ મીડિયા પર ખુબ ઝડપથી વાયરલ થઈ રહ્યો છે.હાલમાં જાપાનમાં વાદળી ફૂલોની ખીણનો એક વીડિયો ઈન્ટરનેટ પર યુઝર્સનો દિલ જીતી રહ્યો છે. ઈન્ડિયન એડમિનિસ્ટ્રેટિવ સર્વિસના એક ઓફિસરે આ વીડિયો સોશિયલ મીડિયા પ્લેટફોર્મ ટ્વિટર પર શેર કર્યો છે, જેને ખૂબ પસંદ કરવામાં આવી રહ્યો છે. પહાડોમાં ફેલાયેલા આ નાના વાદળી ફૂલોની ખીણને જોયા પછી તમે પણ તમારું દિલ હારી બેસશો. વીડિયોમાં જોઈ શકાય છે કે કેવી રીતે આ ફૂલો પાસેથી પસાર થતા લોકો તેમની સુંદરતાને કેમેરામાં કેદ કરી રહ્યાં છે.
પ્રવાસીઓ કેમેરામાં ઝડપી કુદરતની જીવંતતા
વાદળી ફૂલોને ખીલેલા જોવા માટે પ્રવાસીઓના ટોળેટોળા ફ્લાવર વેલીમાં ઉમટી પડ્યા હતા અને તેઓ કુદરતની ચમત્કાર સમાન ઘટના જોઈને આભા બની ગયા હતા. પ્રવાસીઓએ આ અપૂર્વ ઘટનાને કેમેરામાં પણ કેદ કરી લીધી હતી.